كل ذكرى _ محمد بن جابر و مسعود بن شعفول (حصريًا ) | 2025
Автор: mohmmed bin jaber - محمد بن جابر
Загружено: 2024-12-08
Просмотров: 103054
وش يهدي شديد الحزن ولاّ يزيحه ؟
قبل يعلن من الدنيا واهلها فراقي
سجة الرجل نعمة الانفس المستريحه
ومن وطى باقي رسوم المداهيل ، شاقي
عقب ماكنت اقول الدمع صعبٍ مطيحه
اخلفتني الليالي مخلفت كل هاقي
اثر شوف المنازل يستثير القريحه
ليت شعري بعض الاحيان مطلق وثاقي
كل ماشفت تاثيره على اكبر شريحه
ابتسمت ابتسام ابوعديّ العراقي
لين سقت القدم فـ فجوج الارض الفسيحه
و عرضتني منازل مكرمين الطراقي
منهم الي توفى جعل ربي يبيحه
ومنهم الباقي الي كنّ ماهوب باقي
ذي منارتهم و معلاقهم للذبيحه
وذي منازلهم الي ماتعرف المتاقي
احسب انها علاجً للكبود الجريحه
لين بانت بوادر ضيقتي و اشتياقي
كل ذكرى تحوّل دمعي وتستبيحه
والله ان كنهم موصينها في عناقي
ليتني ماسرحت ولا سمعت النصيحه
واستخرت وثنيت من المداهيل ساقي
كلمات الشاعر : علي ابا السيقان.
Доступные форматы для скачивания:
Скачать видео mp4
-
Информация по загрузке:
