GJORMI I HISTORISE DHE TRADITES .Reportazh me grupin polifonik Gjorm

Gjormi, që nga lashtësia e deri në sotme, është një fshat që gurgullon histori me rrjedhën e Shushicës. Ai ndërthuret si në legjenda nga rrjedha mesme e lumit të Vlorës, në krahinën malore të Mesaplikut dhe në krahinën e Shqipërisë juglindore, në Labëri.. në gjuhën popullore, Gjormi njihet si porta e labërisë.
Gjormiotët janë punëtor, dashamirës dhe mikprites. Gjithesecili banor është njohës I fakteve dhe historisë dhe flasin me krenari për të. Pothuajse njëzëri citohet togfjalëshi “djemtë e Gjormit”. Një histori që ka zanafillën në luftën e dytë botërore/ Prej këtu zë fill çeta plakë e Vlorës.

Tradita dhe historia e Gjormit është pjesë e traditës dhe e historisë kombëtare, Gjormi ka dhënë kontribut të çmuar në luftërat për pavarësi e mbijetesë e sidomos në Luftën Antifashiste Nacioanlçlirimtare.

Çeta e parë në Qarkun e Vlorës u krijua më 4 dhjetor 1942 në fshatin Gjorm me komandant Neki Hoxhaj dhe komisar Qazim Çakeri. Kjo u quajt çeta "Plakë e Vlorës". Çeta "Plakë" që në krijimin e saj dhe deri me 20 qershor 1943 kur ajo u inkuadrua në Batalionin "Ismail Qemali", zhvilloi shumë aksione, pritje e goditje të befasishme shkatërruese kundër forcave fashiste

Një nga luftimet më të medha, të ashpra e të përgjakshme ishte Lufta e Gjormit kundër forcave fashiste dhe mercenareve të Halil Alisë dhe të Selim Kaloshit, ku u shpartallua regjimenti i Duçes, u kapën mjaft rob ushtarë e oficerë që ishin bashkuar me mercenarët e Halil Alisë dhe të Selim Kaloshit. Aty u vra edhe komandanti i Rregjimentit kolonel Kelmendi që u rrëzua nga kali. Në atë luftë të madhe në Kalibaq të Gjormit u vra Bako Tafili nga Gjormi, Beqir Selimi nga Terbaçi, Barjam Xhebro nga Brati, Qamil Asllani nga Vranishti, Velo Hysi dhe Barjam Rexhepi nga Smokthina. Prandaj me të drejte kjo lufte u quajt në Gjorm Epopeja e Vlorës dhe Gjormi Moska e Vogel.

Por, historia eshte e gjere, .Me ftesën organizatorit Aleks Seferaj udhëtojmë në Gjorm së bashku me grupin artistik të fshatit, ku me dashuri dhe përkushtim mbajnë të gjallë traditën e këngës e valles gjormiote. E kjo traditë,në vargjet këngës, përjetëson lavdishëm dëshmoret, betejat e përgjakshme, aktet heroike e vlerat e çmuara njerëzore
Subscribe. Informohu dhe ruaj të pastër vlerën dhe kulturën e lashtë Ilirike