Ep: WSN-005 ដំណើរឆ្លងកាត់សង្គ្រាម និងការតស៊ូរក្សាជីវិត ក្នុងរបបខ្មែរក្រហម ប៉ុល ពត ១៩៧៥-៧៩

រកនឹក និងគិតតឡើងវិញអ្វីៗដែលបានកើតឡើងក្នុងក្នុងជីវិតរបស់ខ្ញុំ និងសង្គមកម្ពុជាក្នុងរយៈពេល៥០ឆ្នាំចុងក្រោយនេះ

រំលែកបទពិសោធនានាដែលខ្ញុំបានឆ្លងកាត់របបដឹកនាំទាំង៩ដែលខ្ញុំបានឆ្លងកាត់ និងរស់ការតស៊ូរក្សាជីវិតរបស់ខ្ញុំនៅក្នុងរបបទាំងនោះ (ខ្ញុំនឹងរៀបរាប់នៅពេលក្រោយថាតើរបបដឹកនាំទាំង៩មានរបបអ្វីខ្លះ?)។ ខ្ញុំបានកត់សម្គាល់ឃើញថាការជជែកគ្នា និងការលើកឡើងរបស់មនុស្សចំណាស់ៗក្នុងសង្គមខ្មែរពីរបបដឹកនាំនានារបស់ខ្មែរយើងគឺមានចំនួនតិចតួចបំផុត។

ខ្ញុំបានតាំងចិត្ត និងបានសន្យាជាមួយមិត្តភក្តិបរទេសជាច្រើនថាខ្ញុំនឹងសរសេរសៀវភៅរៀបរាប់រឿងរ៉ាវទាំងនោះ ជាពិសេសរបបកម្ពុជាប្រជាធិប្បតេយ្យរបស់ខ្មែរក្រហម ប៉ុល ពត ពីថ្ងៃទី១៧ ខែមេសា ឆ្នាំ១៩៧៥ ដល់ ថ្ងៃទី៧ ខែខែកមរា ឆ្នាំ១៩៧៩ ការភៀសខ្លួនទៅជុំរំជាយដែន ដំណើរជីវិតនៅជាយដែន និងមាតុភូមិនិវត្តន៍ក្នុងឆ្នាំ១៩៩២។ នៅក្នុងឃ្លីបផ្សាយបន្តផ្ទាល់របស់ខ្ញុំ Ep: WSN-0001– 004 គឺជាការនិយាយដំបូងហើយដែលរបស់ខ្ញុំដែលបាននិយាយរៀបរាប់ដោយសង្ខេបពីការឆ្លងកាត់របបទាំងនោះ និងការតស៊ូរក្សាជីវិតបានរស់រហូតសព្វថ្ងៃនេះ។

ខ្ញុំគ្មាបំណងកកាយរឿងរ៉ាវដ៏ឈឺចាប់ទាំងនេះនាំឲ្យមានការបង្កើនការស្អប់ខ្ពើម នាំអោយមានការប្រេះស្រាំក្នុងសង្គម ឬដើម្បីបម្រើនយោបាយក្នុងបក្សពួកណាមួយឡើយ តែខ្ញុំប្រាថ្នាថាវានឹងត្រូវបានស្ដាប់ដោយយុវជនជំនាន់ក្រោយជាពិសេសកូនក្មួយរបស់ខ្ញុំដែលមិនបានជ្រាបពីរឿងទាំងនោះ។

ខ្ញុំសូមបួងសួងសូមព្រះជាម្ចាស់ប្រទាននូវសេចក្ដីសុខ សន្តិភាពដល់ជនរួមជាតិរបស់ខ្ញុំ និងមនុស្សលោករស់នៅលើផែនដីនេះផង៕