आलुवाली विकास केन्द्र निगालेले आलुवालीको विकास र प्रर्वद्धनमा के के गर्दै छ -अरुण खनाल

Welcome to krishi kam
आलुबाली विकास केन्द्र, निगाले, सिन्धुपाल्चोक
राष्ट्रको आलुबाली विकास कार्यक्रमलाई सहयोग पु¥याउन बीउ आलु , आलु बीयाँ (TPS) उत्पादन एव अन्य आलु उत्पादन सम्बन्धी प्रविधिको विकास गर्ने उद्देश्यले वि.सं.२०३२ सालमा सिन्धुपाल्चोक जिल्लाको जेठल गा.वि.स वार्ड नं. ९ निगालेमा यस केन्द्रको स्थापना भएको हो । स्थापना काल देखि गुणस्तरीय बीउ उत्पादनको अलावा आलु उत्पादन प्रविधिहरु बाह्य सेवा कार्यक्रम अन्तर्गत किसान समुदायमा हस्तान्तरण गर्ने, आई.सि.एम. कृषक पाठशाला एवं स्थलगत तालिम, प्रदर्शनी आदि कार्यक्रम संचालन गरि आलु बाली विकास सम्बन्धि कार्य गर्दै आएको छ ।यस केन्द्रले स्थापनाकाल २०३२ देखि नै राष्ट्रियस्तरमा आलु वाली विकासका कार्यक्रमहरू मध्ये वीउ आलु उत्पादनमा प्रमुख भूमिका खेल्दै आएकोमा आ.व. २०४४÷०४५ मा खैरो पिप चक्के रोगको कारण वीउ आलु उत्पादन कार्यक्रम बन्द हुन पुग्यो । तथापि खैरो पिप चक्के रोगको नियन्त्रण एवं व्यवस्थापन गर्दै रोग नियन्त्रणमा ल्याई आ.व.२०५२/०५३ देखि पुनः बीउ आलु उत्पादन कार्यक्रमको साथै वाह्य सेवा संचालन कार्यक्रम तथा बीया“बाट आलु खेती प्रविधिको प्रसार समेत गर्दै वि.सं.२०५४/०५५ देखि आलु बीया“ समेत उत्पादन गर्न सक्षम भई वार्षिक औसत १५ के.जी. आलु बीया“ उत्पादन गर्दै आएको छ ।
उद्देश्य :उच्च पहाड तथा मध्य पहाडी क्षेत्रमा आलु खेती सम्बन्धी आई पर्ने विभिन्न समस्याहरुको समाधान गर्ने ।
स्वास्थ बीउ आलु र आलु बीयाँ (T.P.S) उपलब्ध गराई आलुको उत्पादकत्व बढाउने ।
आलु खेती प्रविधि किसान समुदायमा हस्तान्तरण गरि गुणस्तरयुक्त बीउ आलु उत्पादन गराई आय आर्जन वृद्धि गर्दै जीवनस्तरमा समेत सुधार ल्याउने ।

नेपाल सरकार, कृषि तथा पशुपन्छी विकास मन्त्रालय, कृषि विभाग
राष्ट्रिय आलु, तरकारी तथा मसला बाली विकास केन्द्र, आलुबाली विकास केन्द्र, निगाले, सिन्धुपाल्चोक
फोन नं.: 9851235816, इमेल: [email protected]
वि.स. २०३२ सालमा न्युक्लियस बीउ आलु उत्पादनका लागि स्थापना भएको आलुबाली विकास केन्द्र निगाले सिन्धुपाल्चोकले वर्षौंदेखि गुणास्तरयुक्त बीउ आलु तथा आलु बियाँ उत्पादन गरी देशभरका कृषक समुदायमा बीउ एवम् प्रविधि हस्तान्तरण गर्दै आएको छ । उक्त प्रक्रियामार्फत आलु उत्पादन तथा उत्पादकत्व बढाई पोषण तथा खाद्य सुरक्षाको सुनिश्च्यितता र गरीवी निवारणमा सो केन्द्रले टेवा पुर्‍याउँदै आएको छ ।
स्थानीय जात र भिविन्न देशका आलुको जात टिस्सु कल्चर प्रविधिबाट नयाँ पुस्ताका वीउ उत्पादन गर्दै आएको आलुबाली विकास केन्द्रले आलु बालीहरुको पि.बि.एस.र टि.पि.एस.तथा विभिन्न पुस्ताका बीउ उत्पादन गरी बीउ उत्पादक कृषकलाई बिक्री वितरण गर्दे आएको केन्द्र प्रमुख अरुण खनालले जानकारी दिनुभयो । आलु बालीको जातीय संरक्षण र सम्बर्धन गर्ने, आलु बालीमा समस्यामूलक परीक्षण गर्ने, बीउ आलु उत्पादक कृषकलाई प्राविधिक सेवा, बीउ आलुको गुणास्तर नियन्त्रण तथा सुपरिवेक्षण जस्ता विभिन्न सेवा दिँदै आएको उहाँले बताउनुभएको छ । लिसंखुपाखर गाउँपालिका–५ मुडेस्थित निगाले बजारमा अवस्थित उक्त केन्द्रले समुन्द्री सतहभन्दा २५५० मिटर उचाईमा १०८ रोपनी १३ आना आफ्नै जग्गा र १७ दशमलव ५ रोपनी भाडाको जग्गामा रोजिटा आलु, कार्डिनल, जनकदेव आलु लगायतका विभिन्न जातका आलु बालीसम्बन्धी काम गर्दै आएको छ । रोजिटा आलु मुडेको ब्राण्ड आलु भनेर नेपालभर चिनिएको छ । सो केन्द्रले स्थानीय स्तरका प्राविधिक, अगुवा कृषक, आलुमा क्षमतावृद्धि दिँदै आएको छ । उक्त केन्द्रले आफ्नो ५० औं वार्षिकोत्सव स्वर्ण जयन्ती, फार्म डे तथा प्रविधि प्रर्दशन कार्यक्रममा कृषि तथा पशुपन्छी विकास मन्त्रालयका सह–सचिव डा. जानुका पण्डितले स्थानीय र रैथान जातका आलुहरुको संरक्षण र सम्बर्धन गर्न मन्त्रालय लाग्ने र मातहतका कार्यालय पनि लाग्नु पर्ने धारणा राख्नुभएको थियो । मुडेमा उत्पादन भएका रोजिटा लगायतका स्थानीय र रेथाने आलुलाई ग्रेडिङ र ब्राण्डिङ गरी बाहिरी मुलुकबाट आयात हुने आलुलाई विस्थापित गर्नुपर्ने उहाँले बताउनुभएको छ । त्यसका लागि मन्त्रालयले नीतिगत र पूर्वाधारमा सहयोग साथ दिन सदैव तयार रहेको मन्त्रालयकी प्रवक्ता समेत रहनुभएका पण्डितले उक्त कार्यक्रममा बताउनुभयो । लिसंखुपाखर गाउँपालिकाकी उपाध्यक्ष मिठुदेवी लामाले मुडेलगायत पालिकाको विभिन्न स्थानमा कृषकले उत्पादन गरेको आलु लगायतको कृषि उपजको चिस्यान केन्द्र स्थापना गरेको र त्यस केन्द्र छिट्टै सञ्चालनमा आउने जानकारी दिनुभयो । कृषिमा आधुनिकीकरण र यान्त्रिककरण गर्दै कृषि, पशुपालनमा गाउँपालिकाले कृषकलाई अनुदान लगायतको सहयोग गर्दै आएको लामाको भनाइ छ ।केन्द्रले स्वर्णजयन्तीको अवसरमा सहसचिव पण्डितको बाहुलीबाट माटोरहित एरोपोनिक्स प्रविधिमार्फत आलु बीउ उत्पादन गर्ने कार्य शुभारम्भ गरेको छ । उक्त कार्यक्रममा ५० भन्दा बढी जातका आलुका परिकार प्रर्दशनी गरेको छ । आलु उत्पादन गरेर आत्मनिर्भर हुने कृषक, केन्द्रका पूर्व कर्मचारी लगायतलाई सम्मान गरेको छ । स्मरण रहोस् मुडे आसपास क्षेत्रबाट वार्षिक ७१ करोडको आलु निर्यात हुने गर्छ ।
आलु विकास केन्द्र निगालेको स्वर्णजन्यती,आलु विकास केन्द्र निगालेका गतिविधि
आलुका ६५ भन्दा वढि जातहरु एकै ठाउँमा प्रर्दशन, यस वर्ष निगालेले आलुका ५ वटा जात दर्ता गर्ने
आलुका जात र परिकारका विविधता , खाद्य सुरक्षाको प्रमुख श्रोतको रहेको आलु तरकारीको राजा
आलु खेति कसरी गर्ने , आलुका वीउ कसरी प्राप्त गर्ने

Growing the Future, One Step at a Time!
What You'll Find Here:
Farming & Harvesting Techniques
Organic & Sustainable Agriculture

Subscribe now and be a part of the krishi kam ! Let's grow together!
#Agriculture #krishikam
► Follow on Facebook :   / 1bwh81c7mz  
► Email : [email protected]
►Youtube Link    / @mahodattachapagain  
   / @krishikamकृषिकाम