龔水定情6週年｜真情流露｜愛你的記錄💞｜張景淳｜呂慧儀｜最佳拍檔｜龔燁｜熊若水｜最強CP｜愛回家之開心速遞｜開心速遞

#龔水 #張景淳 #呂慧儀 #最佳拍檔 #龔燁 #熊若水 #最強CP #愛回家之開心速遞 #開心速遞
IG: 🎨🎞️ @just_follow.your.heart (  / just_follow.your.heart  )

近期供水量未算充足
靜待龔水主線之時
一於自行供下水
趕上3月份龔水定情週年紀念嘅尾巴
補回龔水定情6週年紀念短片
來個莓之龔水劇情重溫先～

或者現時係普通觀眾嘅觀感裏
龔水戀只係
一個鍾意買包包嘅任性典型港女
x 一個不斷買包包好就老婆嘅寵妻男
亦因龔水定情婚後時不時上演爭執劇情
繼而有重複乏味厭倦嘅感覺
有人會話龔燁始終有賤精底子
總覺得龔燁唔會掏出真心愛錫水水
亦有人會覺得水水婚後脾氣上較為波動
令龔燁要時時安撫容易鬧情緒嘅老婆

龔水戀並非一見鍾情、完美無瑕嘅愛情
係相愛&相處旅程裏 曾遇上不少關卡口
If we focus on the positive side
只要細心一點去留意
就會發掘係唔同時期
都有唔少日常情節顯露出
龔水體貼呵護備至嘅一面
默默地用行動為對方付出
留下愛錫彼此嘅痕跡

今次重溫短片嘅方向
主要想展示 & Recall 龔水多年來相處時
點樣互相引導照顧對方
所以揀選一啲日常碎片做整合
雖然今次無咩甜蜜浪漫scene
效果有別其他龔水MV 會較為平淡一點
但希望大家從中感受到龔水係生活中互相扶持嘅浪漫感

今次係編排上
用咗唔同戀愛關係嘅要素作為分類
再用上彩虹顏色
🩷🧡💛💚🩵💙💜
Highlight the Essence of Love
Encompasses Different Elements

/ 🩷 守護·協助 /

故事發展初期
水水一次又一次嘅仗義拯救
係重要關頭挺身而出撐龔燁
龔燁就係被熊若水義氣嘅特質吸引住
龔燁因成長時期俾親人遺棄嘅經歷
啟動咗自我保護機制
喺水水嘅義氣本色感動到龔燁
願意打開內心深處嘅防護牆吐心聲
解開咗埋藏喺心裏20年嘅心結
同時係水水嘅提點影響下
龔燁放低過往獨善其身嘅處事心態
學習考慮顧及他人感受
由賤精蛻變為會承擔責任嘅暖男

同樣地
龔燁一直運用佢嘅聰明才智
係重要關頭一次又一次協助水水化解難題
亦甘願放低自身形象
變身成為「出水亞美」係眾人面前出醜
目的只希望身邊重要嘅水水開心
幫水水抹走童年陰影

/ 🧡 陪伴·開解 /

好鍾意編劇曾寫下暖暖嘅對白：

💧：「記得有啲咩事、有啲咩煩惱，一定要同我講」
🏹：「就算我未必每件事都幫到你解決，至少可以分擔吓」

當感到迷惘無助乏力時
有伴侶係身邊傾訴
表達自己嘅困難脆弱釋放內心壓力
即使未能為對方解決所有難題
簡單嘅陪伴、傾聽仍然能夠俾到對方
有力量嘅支持
情感上好實在嘅安慰感

Vulnerability 係關係維繫上有重要嘅作用
過去龔水面對住生活起伏時
倆口子都會從旁支持住對方
🏹↔️💧“I’m here, you are not alone”

P.S. EP1811 龔水係床上敞開心扉呢場戲，情緒好到真係演繹得好好，睇咗好多次🥹

/ 💛 道歉·諒解 /

兩個人相處
除咗時刻表達「我愛你」嘅愛意之外
三個字：「對唔住」 同樣重要

感情關係裏
難免會碰上磨擦
適時真誠嘅道歉
可以令雙方展開對話
除咗具體表達自己嘅感受外
學習聆聽對方嘅想法同需要
彼此反省自己嘅行為同言語
願意承認自己做得冇咁好嘅地方
各自放下固有嘅想法
嘗試喺唔同角度理解對方
都係促進感情成長、建立穩健關係嘅重要一環🫶🏻

上年龔水日常夫妻小故事裏
感恩見到龔水係溝通呢方面
比起2年前有好大嘅進步呢

《EP2338 領養一隻龔燁喵》
傾談過程中 龔燁得知水水係安全感上感到困惑
所以希望透過養貓建立更多共同話題
龔燁立即主動為自己扮貓時過火行為向水水道歉
縱使忙碌 仍安排好日本trip讓老婆安心
透過旅行製造共同回憶增進情感

《EP2429 老婆放假老公大鑊》
水水醒覺老公只係一直死撐
於是主動給予龔燁寧靜嘅個人空間
獨自去洗衣房等候老公完成project
最後誠懇地互相為之前意氣之時所講嘅hurtful words道歉

龔水學識一人一步 換位思考
透過和諧溝通修復關係 加深連結

P.S. 洗衣房對話戲，又係好正，好有soothing effect🥹

/ 💚 包容·遷就 /

🎶 我缺點勝別人 你竟費盡心神 把我留起

每個人都會有自己嘅缺點同不足
雖然劇情比較多顯示龔燁恆常包容水水
但其實水水都會主動為龔燁而努力改變 （e.g. 多番嘗試克服苦瓜)

💧：「我都可以因為愛，而調節自己嘅心態去遷就佢」

/ 🩵 承諾·承擔 /

承諾
係對關係嘅投入重視
表達願意為關係付出努力嘅決心

而承擔
係將承諾轉化為實際行動
主動肩負起責任向對方展現關心

係風雨考驗裏
仍不忘堅持守住當初同對方講過嘅諾言
一起攜手面對克服難關

仲記得係《EP280 燁來越愛你（下）》
友叔提醒龔燁對女朋友要體貼、呵護
而龔燁透過森仔電台節目向水水表示
🏹：「我會訓練下個膊頭，等佢可以承擔到更多嘢」

現今凡事會以老婆為先嘅暖男龔 成長了
🏹：「我係結婚嗰陣時應承過要照顧你一生一世，呢樣嘢無論如何我都一定會都做到」
無論面對咩挑戰 始終不忘最初的誓言
係每一次磨練中共同堅持努力
讓愛變得更加深厚

/ 💙 照顧·關心 /

打理家頭細務、日常生活照顧方面
水水一直都好努力成為賢妻 為龔燁打點一切
雖然水水煮食方面唔算得上係強項
但時不時會為老公預備愛心飯盒、煮心形牛扒餐
得知龔燁壓力大有鬼剃頭時會煲湯水幫老公調理身體
當知道龔燁想念哈爾濱大列巴嘅味道時
願意付出無數精神時間研究 完成老公嘅心願
而龔燁感覺到水水備孕嘅辛苦時
亦會主動煲養宮糖水俾老婆滋潤一下

起居飲食上相互嘅關懷
讓彼此係平凡生活中感受到被愛與在乎

/ 💜 答謝·鼓勵 /

一句簡單嘅「多謝」可以肯定對方嘅好意
答謝對方為自己嘅付出
讓對方知道到佢哋嘅善意付出係被看見&重視

而一句簡單嘅「加油」可以為對方注入勇氣信心
起到強而有力嘅勉勵作用

唔知大家有冇發現小妹製作嘅短片
好多時會將龔對水、水對龔嘅情節相互交替
因為想反映出經營一段長久嘅關係
需要兩個人共同努力去workout
除左愛意要恆常表達外
相處平衡尤其重要

「夫妻同步咪好咯」

要達致同步
唔能夠只得單一方嘅付出妥協
而世上亦沒有完美嘅情人
只有雙方多願意互相欣賞對方嘅好
諒解接納對方嘅弱點
係彼此不同之處尋找平衡點

每段關係都係獨一無二
過去每一個經歷都為穩固關係奠定重要嘅基礎
若不忘珍惜這份情緣
心便能堅定地一直守下去
並肩作戰 一同成長

長篇處境劇嘅珍貴之處
就係可以讓演員觀眾陪住角色經歷人生唔同階段
產生共鳴感 從而有所反思領悟學習

定情6週年
祝福龔水真情流露
繼續用心愛著對方

《我們的故事》
♥未完待續♥

BGM 🎶 : 《真情流露》 Stanley 2024.12 現場獻唱 x 張學友版本

#龔水 #龔燁 #熊若水 
#張景淳 #呂慧儀 💙🧡
#KungShui #KonnieStanley
#最強cp #KS最佳拍檔 #拍住上🙌🏻 #愛你們🫶🏻
#龔水線 #龔水CP #龔水故事 #未完待續
#愛回家之開心速遞 #愛回家 #開心速遞