ليه في مصر بقا عادي إنك تبقا غشاش؟

مبدأيا كدا سيدنا محمد قال من غشنا فليس منا ,وكلنا عارفين منذ نعومة أظافرنا إن الغش حرام بس بردو الناس بتعمله

1- عشان فاكرين إن الغش حرمانيته قليلة 1 ونص بس مش زي السرقة مثلا حرمانيتها 15

وهنا أمير منير اتكلم عن الحتة دي حتة تقدير الحرام حسب هل هو حرام أ,ي ولا حرام بس

   • هو الغش حرام؟ لو الإمتحان اتسرب ينفع أذاكر...  

2- عشان كله بيعمل كدا

بس بما إننا بنعبد ربنا مش بنعبد البشر

فده عبط

وللأسف الموضوع نورمالايزد كالجحيم يعني كمية الميمز اللي عن الغش ويكإن هو الطبيعي واللي مش بيغشش هو بخيل ومش جدع

أنا في ٣ ثانوي قابلت عدد كبير من المدرسين ،ولا واحد منهم أنكر الغش في الامتحانات، بيتكلموا كإنه واقع أوفرصة

3- عشان الجدعنة والوقفة جمب الصاحب والعيش والملح بلا بلا بلا

فأنا عملت مقابلة مع مراهق طائش جين زي جيل اليومين دول وهو ده كان رده

---

فمن الاخر اللي بيغش ملهوش سبب يخليه يغش غير إنه مكسل يذاكر ودي حاجة غير مسئولة بالمرة أو إنه بيغش كاستثمار عشان لما يتزنق

ودي حاجة مستفزة

__________

الفكرة إن الغش نفسه حاجة غير منطقية

يعني بتعرض نفسك لخطر إنك تسقط ف المادة في بعض الجامعات اللي بيركزوا

ولو متمسكتش فأنت هتاخد معلومة مش عارف أصلا مدى صحتها

_______

---

في مشكلة مأساوية

وهي إن أي حد من الأقلية للأسف اللي مش بتغش طول الوقت حاسس حاله مظلوم ،بالأخص الامتحانات اللي بتبقا مهلكة

أو لو مادة هتسقط فيها مثلا

وفي مليون عذر واختبار هتلاقي فيهم إن الغش هو الخيار المنطقي

بس

بس

مش هي دي الطريقة اللي المفروض نكون عايشين بها

الطبيعي إن أحنا بنكون متقين ربنا وبنسعى وبنجتهد وأي نتيجة هي مش بين ايدينا

نجاحك أو فشلك.كدا كدا مش مقترن بعملك بس كله بايد ربنا

مش يمكن لما متغشش تشيل المادة وتضطر تنزلها سمر كورس وأنت ف الطريق تقابل واحد غني يقرر يكتبلك ورثه

سوري على الخيال الواسع

بس يعني الموضوع كاريزماتيك أوي إنك تكون مش بتغش,

_________________

والمشكلة الأساسية مع الغش مش إنه الدكتور هيتخرج غاشش نص الجسم اللي فوق أو إن الطلبة هتنجح على حساب طلبة تانية لإن دي حاجات محلولة عادي

بس المشكلة فعقلية الغش نفسها

يعني ايه اللي هيخلي الأهالي اللي بتقول معلش سيبه يغش الامتحانات صعبة وهو مش مركز دلوقتي متقولش بعد 20 سنة معلش سيبه مش عارفة يشخص العيان تشخيص غلط عشان يسترزق

يعني أنت لما بتضيع وقتك عشان تدور حد يصلحلك موبايلك ومينصبش عليك, وتدور على مدرس يتقي ربنا ومينصبش عليك ففلوس مراجعات ومذكرات ملهاش لازمة و تخاف وتراجع كتير قبل ما تشتري اي حاجة عشان محدش يطلع بيغشك

ده كله بسبب ايه غير عقليةالغش موجودة وليها مليون تبرير ونفس اللي شاف الغش صغير ف الامتحانات هيشوفه صغير فشغله

---

طبعا صعب أوي تلاقي احصائيات أو أرقام واضحة عن الدول اللي طلابها بيغشوا عشان واحد مش كل الطلبة بتعترف والعقوبات اللي الدول بتعملها مش لازم تكون بتطبقها على الكل , بس كان في بوست على ريديت بيتكلم عن الغش وناس من كل دول العالم بتجاوب

المشترك بين إجاباتهم إن ف أغلب دول أوروبا تقريبا مفيش أي غش ف الامتحانات الكبيرة عشان العقوبة كبيرة ,وده شيء مخزي لينا بصراحة