Edicioni i Lajmeve Tv Klan 12 Dhjetor 2025, ora

Lajme, #edicioniinformativ ora 19:30, 12 dhjetor 2025 #TvKlan #klanlajme

Spiker: Reis Çiço

Headlines

Kushtetuesja kthen në detyrë Ballukun dhe kalon çështjen në seancë plenare
Gjykata Kushtetuese pezulloi vendimin e Gjykatës së Posaçme dhe ktheu në detyrë zëvendëskryeministren, njëherësh ministren e Infrastrukturës, Belinda Balluku. Kërkesa për shpalljen antikushtetuese të masës së GJKKO-së do të shqyrtohet në seancë më 22 janar.

Rama: 42 mijë të punësuar nga zyrat e punës në 5 vjet. Garancia Rinore do të mbështesë 60 mijë të rinj
Afro 42 mijë të rinj janë punësuar përmes zyrave të punës në 5 vitet e fundit. Kryeministri Edi Rama thotë se çdo muaj publikohen mesatarisht 5500 vende të reja pune. Ai garantoi se 60 mijë persona do të mbështeten nëpërmjet Garancisë Rinore.

Berisha: Rama nuk heq dorë nga kapja e SPAK. Është në gjak me ne për votën e lirë
Sali Berisha deklaroi se prania e ndërkombëtarëve në zgjedhjen e kreut të ri të SPAK synonte të ndalte Edi Ramën nga kapja e këtij institucioni. Nga Elbasani, ku vazhdoi Foltoren e tij, ai tha se kryeministri është në gjak me demokratët për votën e lirë.

Do vrisnin Endrit Doklen për 500 mijë euro; në pranga 2 persona. Dolën nga dëshmia e Nuredin Dumanit
Policia vuri në pranga në zonën e Fushë-Kuqes dy persona me rrezikshmëri të lartë, të shpallur në kërkim për organizim vrasjesh. Alket Xhixha dhe Elvin Merlika akuzohen se do të eliminonin Endrit Doklen kundrejt 500 mijë eurove.

Edhe lumi Kir pushtohet nga mbetjet. Situata alarmante, Ministria e Mjedisit zgjedh të heshtë
Lumi Kir në Shkodër është shndërruar në kosh mbeturinash, duke krijuar një situatë alarmante për mjedisin pasi gjithçka përfundon në det. Ndërhyrja e autoriteteve lokale ka qenë sporadike, ndërsa Ministria e Mjedisit ka zgjedhur të heshtë.

Kosova nis marrjen e emigrantëve nga SHBA; do të pranohen deri në 50 persona të dëbuar
Albin Kurti konfirmon se në Kosovë kanë nisur të strehohen emigrantët e parë të jashtëligjshëm të dëbuar nga SHBA. Dy të parët, nga 50 të tillë, ndodhen tashmë në vend, sipas një marrëveshjeje Prishtinë–Uashington të miratuar në qershor.

“Topi i Artë 2025”: FSHF zbulon 4 kandidatët. Mbrëmja gala, live në ekranin e TV Klan
Federata Shqiptare e Futbollit publikoi katër kandidatët për trofeun e “Topit të Artë” për këtë vit në futbollin shqiptar: Bekim Balaj, Baton Zabërgja, Dejvi Bregu dhe Mario Dajsinani. Eventi mbahet më 15 dhjetor dhe do të transmetohet në TV Klan.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/