فتى البوادي… اروع مساجلات شبوانية بين السيد صالح العيدروس والشاعر صالح خميس الحداد

قصيده من الشاعر المعروف السيد صالح ناصر العيدروس ابومشعل
مرسله الاالشاعر الكبير صالح خميس الحداد ابو تقي تاريخ2020/6/20
............................................
يالله دعيناك يامن توفي المده
يا خالق الكون لك في ما خلقت الشون

سالك بجاه. النبي ذي لا نبي بعده
وجاه بيتك وجاه القارعه. والنوون

ان تغفر اذنوب عبدك لا نزل لحده
ماحد سوا انت يغفر له. وهو مدفون

وبطلب العون منك ساعت. الشده
العون منك ولا بطلب سواك العوون

ولحمد والشكر لك كل ما زجم رعده
وكل ما قد قضيت الدين على المديون

وبعد يا طارشي روح في البرده
شل الرساله. وحاسب والسفر بي هون

ماواك لنصاب. ذي صابر على الشده
من حيث مانا. درست الدين والقانون

قد كنت في الراكبه جالس ولي مده
عند ال حداد ذيهم بلوفا يوفون

وابو تقي كان يوصلنا. على عهده
يحظر مع اهل الرواكب في فرح وحزون

واليوم غيب على خوالي. وله مده
الله يعلم. بما. في خاطره مكنوووون

وياطارشي بلغ المكتوب لا يده
لا يد ذي لا تكلم ينطق الموزون

شل ألوفا والنقاء والجود من جده
في نعمت الله ضيوف الفارسي يمسون

سلم على ابو تقي وثنه لمن عنده
تسليم من راس بن ناصر لكم مليون

ولتخبرك بو تقي قله ابد جمده
لخبار زينه ولاكن الزمن ملعون

كمن مشنب معد يخرج من السده
ومن خرج بايظلي في الحلق مرصون

هاذا صدر فصل والثاني اتا. بعده
بالفتح القفل ذي ماكن على الكالون

بدعيك يا صالح الحداد ابو ورده
رد البواعير. شفني منهم مغبون

ان با ترد الحدد ذي ملقيه هده
ذي امس شلو علينا التين والزيتون

ولا دهفنا عليكم قوت العمده
غلمه ترد الطمع بالجيتري. والهون

هاذا صدر لك ولا عتبه ولا نقده
شفني انطق الحق وكل الناس بي يدرون

والختم صلي على ذي لا نبي بعده
شفيعنا يوم بالبعث لرب الكون
...........................،......،..........،
جواب من الشاعر صالح خميس الحداد
على قصيده الشاعر السيد صالح ناصر العيدروس
...................................
يالله ياذي تفك ابواب مرتده0
لرزاق بيدك وعندك كل شي مخزون0

يامستجيب الدعا لاقد دعا عبده0
من رحمة الله مابا نقطع المسهون0

وابو تقي قال ماشي عالفرش رقده0
بسهر معا لقاف ذي جاني ونا معجون0

وبعد يامرحبا ما يحتصي عده0
رحب معي ياكبر ذي فوقنا مطنون0

بالخط ذي ساقه البداع من وجده0
ممنون يالهاشمي من هاجسك ممنون0

غناء لك الزين ذي عاده نسع جعده0
مولا حبيشي نسع جعده علا لمتون 0

جات الكلم كنها من نضم باسرده 0
او نضم ناصر احمد بالزنم الفرعون0

تابعتها كلها بنده علا بنده 0
ماعاد حاجه لوضع كل شي مفطون 0

والراكبه واهلها لطلع بها سنده 0
شف حبها واهلها في خاطري مرشون0

كم ود عمك يا زاورهم وكم وده0
لاكن شفه صفر العداد والطبلون0

الراس شيب وقلبي كن حد قده0
والطرف سهران ماحط السبل عالنون0

من باطل الوقت ذي زيد علا حده0
ذي مامعه دخل بي ضلي كما المجنون0

لسعار زادت وسوت بالكبد غده0
والبيت يدعي وبيره والحجل مرهون 0

اما البواعير ذي لسجد لهم سجده 0
بايجي لهم يوم يغسلهم بلا صابون 0

شفه قرب ماقرب والسيف في غمده0
قدنا لخيل بروقه من قدا سيؤن0

وباتجينا مشايخ وجدهم كنده 0
وخل قومك تروح عند بن كرنون


اما انت يالمغترب وداك من جده0
يا طيب الحال قلبك للوطن محنون0

شف ذا جوابك صدر ع الفكس باكده
والعفو لاشي قصر فالقاف والمظمون

وصلو علا من عرج به وطلعه عنده 0
عليك صلي وسلم يانبي مؤمون0