Nachtzug - Stiller Has

bi scho so lang underwägs, weiss nümm
ob i flüge oder gheie
wie ne zeppelin, abbrönnt, hie vor dir
uf myne chnöi
i ha nes loch im ranze, es wird chalt u
chunnt cho schneie
bi im ne böse alter, e bundfaltehosefalter

bi wie ne chemp wo abetroolet, houptsach
abe, u scho d helfti isch mir zviel
en alte hund im räge, es blinds huen uf der
stäge, wo nümm weiss wenn u wie
und die gfährlechi syte vor gass geit vo hie
bis i d höll
e zug ohni bräms u kontrolle uf em wäg
zum sackbahnhof

i chume mit em nachtzug
u lose ds lied vor schine
u nid emal dr konduktör cha säge
wo genau dass mer sy
mängs hani zrügg glah, has lo schta
u mängs isch mir yne
düre räge, düre schnee
doch der zug haltet nie
weder dört no hie
nume bahnhöf
won i no nie ha gseh

i stecke so töif dinne, chume so flach use,
hange mit
wie nes chind ohni muetter, weiss sälber
nümm, was i hie sött
z heiss gschosse, quer gschlage, bin i zrügg
oder nid?
i ha der rüggewind, e räschte gluet i mym
härz u dr nachtzug nimmt mi mit

i chume mit em nachtzug ...

i ha am faltsche perron gwartet
und itz fahrt dä zug, wo haltet, nümm für mi
i ha doch wölle palme gseh
itz ras i dür ne steppe, düre schnee
sorry, es chönnti länger gah
bin i mal da am änd vo dere reis
nordpol oder mongolei, i nime
der nächscht zug u chume hei -- nume
bahnhöf, wo i no nie ha gseh...

i chume mit em nachtzug ...