Savdo markazi, Qo‘shtepa va Tolibonning “do‘stona qo‘shnichilik”ka tahdidi

Ўзбекистон Давлат хавфсизлик хизмати раиси Абдусалом Азизов, «Хуросон вилояти» террор гуруҳига қарши курашда Афғонистонга ёрдам бериш керак, деб баёнот берди.
Ўзбекистон ДХХ раисига кўра, террорга қарши кучларни бирлаштириш лозим ва бу бирлашув, Афғонистон тепасида ўтирган Толибларни ҳам ўз ичига олиши керак.
Бу Ўзбекистон ҳукуматининг Афғонистон Толиблари билан ҳамкорликни мунтазам кучайтириш йўлидаги навбатдаги қадами. Бунга қадар қўшни давлат билан чегарадаги Термиз шаҳрида “Термиз савдо маркази” очилди.
Айни пайтда, Толиблар виза берган ўзбекистонлик блогерларнинг бу давлатга муваффақиятли сафари ҳам кўзга ташланмоқда.
Бироқ, Толибон ҳокимиятининг мамлакат ичида юритаётган сиёсати дунё ҳамжамиятини бу ҳукуматнинг эртаси борасида тобора кўпроқ хавотирга солмоқда. Яқиндагина Толибларнинг аёллар овозини тақиқлаши жаҳон ҳамжамиятининг қоралашларига сабаб бўлди.
Таҳлилчилар Тобора радикал қарорлар олаётган Толиблар сиёсати Ўзбекистоннинг қўлидан қуроли тушмаган ён қўшниси билан ҳамкорлигини тобора боши берк кўчага олиб кирмаяптими, деган саволни беришмоқда.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

O‘zbekiston Davlat xavfsizlik xizmati raisi Abdusalom Azizov, «Xuroson viloyati» terror guruhiga qarshi kurashda Afg‘onistonga yordam berish kerak, deb bayonot berdi.
O‘zbekiston DXX raisiga ko‘ra, terrorga qarshi kuchlarni birlashtirish lozim va bu birlashuv, Afg‘oniston tepasida o‘tirgan Toliblarni ham o‘z ichiga olishi kerak.
Bu O‘zbekiston hukumatining Afg‘oniston Toliblari bilan hamkorlikni muntazam kuchaytirish yo‘lidagi navbatdagi qadami. Bunga qadar qo‘shni davlat bilan chegaradagi Termiz shahrida “Termiz savdo markazi” ochildi.
Ayni paytda, Toliblar viza bergan o‘zbekistonlik blogerlarning bu davlatga muvaffaqiyatli safari ham ko‘zga tashlanmoqda.
Biroq, Tolibon hokimiyatining mamlakat ichida yuritayotgan siyosati dunyo hamjamiyatini bu hukumatning ertasi borasida tobora ko‘proq xavotirga solmoqda. Yaqindagina Toliblarning ayollar ovozini taqiqlashi jahon hamjamiyatining qoralashlariga sabab bo‘ldi.
Tahlilchilar Tobora radikal qarorlar olayotgan Toliblar siyosati O‘zbekistonning qo‘lidan quroli tushmagan yon qo‘shnisi bilan hamkorligini tobora boshi berk ko‘chaga olib kirmayaptimi, degan savolni berishmoqda.

#ozodlik #uzbekistan #yangiliklar #tashkent #tolibon #suv #afghanistan #uzbek #shavkatmirziyoyev