#ព្រះបន្ទូលនៃសេចក្ដីពិតសម្រាប់ថ្ងៃសៅរ៍

#ចំណងជើងវីដេអូ៖ «ព្រះអង្គដឹងលម្អិតគ្រប់យ៉ាង» He Knows The Details

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃសៅរ៍ ទី៣១ ខែឧសភា ឆ្នាំ២០២៥។

«ព្រះអង្គដឹងលម្អិតគ្រប់យ៉ាង» He Knows The Details

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«ព្រះវិញ្ញាណ​ទ្រង់​ក៏​ជួយ​សេចក្តី​កំសោយ​របស់​យើង​បែប​ដូច្នោះ​ដែរ ដ្បិត​យើង​មិន​ដឹង​ជា​គួរ​អធិស្ឋាន​សូម​អ្វី​ទេ តែ​ព្រះវិញ្ញាណ​ទ្រង់​ជួយ​អង្វរ​ជំនួស​យើង ដោយ​ដំងូរ​ដែល​រក​ថ្លែង​ពុំ​បាន​វិញ» (រ៉ូម ៨:២៦)។

ជីវិតរបស់មនុស្សយើងគឺថា ពោរពេញទៅដោយការជ្រើសរើស, ការជ្រើសរើសខ្លះ គឺសាមញ្ញ ហើយខ្លះទៀត ធ្វើឲ្យមានផ្លាស់ប្តូរជីវិត។ ពេលខ្លះ ខ្លួនអ្នកផ្ទាលប្រហែលជាឃើញថា ខ្លួនឯងបានឈរនៅឯផ្លូវបំបែក ដោយមិនដឹងថាត្រូវធ្វើអ្វីនោះទេ។ មានឱកាសខ្លះបើកសម្រាប់អ្នក តែអ្នកបែជាឆ្ងល់ថា តើខ្ញុំគួរយកវាឬទេ? តើជម្រើសមួយណា ជាជំហានឆ្ពោះទៅមុខដ៏ល្អបំផុត? ដំណឹងល្អនោះគឺថា៖ ព្រះវិញ្ញាណបរិសុទ្ធទ្រង់ជ្រាបរឿងគ្រប់យ៉ាង! ចូរប្រឹក្សាជាមួយនឹងទ្រង់ នោះទ្រង់នឹងដឹកនាំអ្នកនូវអ្វីដែលល្អឥតខ្ចោះដែលអ្នកត្រូវការ ឬសាកសមនឹងអ្នក។

សូម​សញ្ជឹង​គិត​ម្តង​ទៀតៗ ​សម្រាប់ឃ្លាដ៏​ស្រស់​ស្អាត និង​ជួយបំផុស​គំនិត​របស់​សាវ័កប៉ូល រ៉ូម ៨:២៦ ដែលយើងបានអាននៅក្នុងបទគម្ពីរខាងលើ។ ព្រះវិញ្ញាណបរិសុទ្ធ ទ្រង់ជ្រាបគ្រប់ហេតុការណ៍ទាំងអស់ ទ្រង់ស្គាល់ព្រះហឫទ័យ និងគំនិតរបស់ព្រះវរបិតា នោះហើយទើបទ្រង់ធ្វើការអង្វរជំនួសយើង មិនមែនមកពីខាងក្រៅទេ គឺមកពីខាងក្នុងវិញ។ ទ្រង់​អធិស្ឋាន​នៅ​ខាងក្នុង​អ្នក និង​តាមរយៈ​អ្នក ដើម្បីជួយ​អ្នក ​នៅ​ពេល​ដែលអ្នក​មិន​ដឹង​ថា​ ត្រូវ​អធិស្ឋាន​សម្រាប់​អ្វី ឬ​គួរតែអធិស្ឋានយ៉ាងម៉េចទៅ។

មានរឿងច្រើនណាស់ ដែលអ្នកមិនដឹងមិនថា ស្ថានភាព មនុស្ស និងសូម្បីតែអំពីអនាគតរបស់អ្នកផ្ទាល់។ ប៉ុន្តែព្រះវិញ្ញាណបរិសុទ្ធទ្រង់ជ្រាប និងដឹងយ៉ាងល្អិតល្អន់,មិនថា អ្វីៗដែលទាក់ទងនឹងជីវិតរបស់អ្នក, ព្រះអង្គដឹងលើលពីអស់ទាំងប្រាជ្ញារបស់មនុស្ស, គឺថា ទ្រង់ឈរជាកណ្ដាលសម្រាប់អ្នក។ សាកស្រមៃថា មាននរណាម្នាក់បានដឹងយ៉ាងច្បាស់អំពីអ្វីដែលអ្នកត្រូវការ ហើយក៏អធិស្ឋានជំនួសឲ្យអ្នកបានយ៉ាងត្រឹមត្រូវល្អឥតខ្ចោះ។ នោះហើយគឺថា ជាកិច្ចការរបស់ព្រះវិញ្ញាណបរិសុទ្ធ!

ក៏ប៉ុន្តែ មានចំណុចសំខាន់នៅត្រង់នេះគឺថា​៖ ប្រសិនបើ​អ្នក​មិន​អធិស្ឋាន​ដោយ​ព្រះវិញ្ញាណទេ នោះ​អ្នក​នឹងមិនមានបទពិសោធបែបជំនួយដ៏អស្ចារ្យនោះទេ។ អ្នកមិនអាចគ្រាន់តែអង្គុយចុះ ហើយដកដង្ហើមធំៗ ហើយមិនគួររងចាំឲ្យជីវិតកន្លងទៅនោះដែរ, តែបើអ្នកគ្រាន់តែ លុតជង្គង់ ចេញពីកន្លែងមួយទៅកន្លែងមួយ, សូម្បីតែពេលខ្លះ ក៏យំទ្រហូរដែរ តែនោះវានឹងមិនផ្លាស់ប្តូរឡើយ! មានអ្នកខ្លះបានអធិស្ឋានថា “ឱព្រះវរបិតាអើយ ករណីរបស់ខ្ញុំវាធ្ងន់ធ្ងរណាស់ សូមទ្រង់អាណិតអាសូរដល់ខ្ញុំផង”។ ព្រះអម្ចាស់បានឃើញសេចក្ដីសោកសៅរបស់អ្នករួចរាល់គ្នាហើយ, នោះ​ជា​មូលហេតុ​ដែល​ព្រះបាន​ចាត់​ព្រះអម្ចាស់យេស៊ូវឲ្យមក ហើយ​បន្ទាប់មកក៏ប្រទាន​ព្រះវិញ្ញាណ​បរិសុទ្ធ​ដល់​អ្នក!

សូម​មើល​នូវ​អ្វី​ដែល​ព្រះគម្ពីរ​បាន​ចែង​ថា​៖ «​ពី​ដើម​អ្នក​រាល់​គ្នា​មិន​មែន​ជា​សាសន៍​ណា​មួយ​ទេ តែ​ឥឡូវ​នេះ​ជា​សាសន៍​របស់​ព្រះ​វិញ ពី​ដើម​មិន​បាន​ទទួល​សេចក្តី​មេត្តាករុណា​ទេ តែ​ឥឡូវ​នេះ​បាន​ទទួល​ហើយ។» (ពេត្រុស​ទី ១ ២:១០ AMPC) ។ តើអ្នកបានឃើញទេ? ព្រះអង្គបានធ្វើអ្វីគ្រប់យ៉ាង ដែលចាំបាច់សម្រាប់ភាពជោគជ័យរបស់អ្នករួចរាល់ហើយ។ សំណួរគឺថា ពេលនេះ តើអ្នកនឹងទទួលយកអ្វីៗទាំងអស់ តាមរយៈព្រះដ៏ជាអ្នកកណ្ដាល ដែលទ្រង់បានគង់នៅក្នុងអ្ន​កទេ?

ពេល​អ្នក​អធិស្ឋាន​ដោយ​ព្រះវិញ្ញាណ នោះអ្នក​តម្រឹម​ខ្លួន​អ្នក​ជាមួយ​នឹង​ផែនការ​ដ៏​ល្អ​ឥត​ខ្ចោះ​របស់​ព្រះបាន។ ជំនួសឱ្យភាពច្របូកច្របល់ តែអ្នកនឹងទទួលបានភាពច្បាស់លាស់វិញ, ជំនួសឱ្យការតស៊ូក្នុងភាពមិនច្បាស់លាស់ តែអ្នកបែរដើរក្នុងភាពជាក់លាក់វិញ។ ឥឡូវនេះ សូមចំណាយពេលខ្លះដើម្បីអធិស្ឋានដោយព្រះវិញ្ញាណ។ សូមនិយាយភាសាដទៃ ដើម្បីឲ្យព្រះវិញ្ញាណនៅក្នុងខ្លួនអ្នក ទ្រង់បា​នតាំងឡើងលើអ្នក។ សូមថា្វយសិរីល្អដល់ព្រះ!

#ការសារភាព
ឱព្រះវរបិតាជាទីស្រឡាញ់អើយ កូនសូមអរព្រះគុណចំពោះកិច្ចបម្រើនៃព្រះវិញ្ញាណបរិសុទ្ធ ដែលជួយកូនឲ្យចេះអធិស្ឋានដែលប្រកបដោយប្រសិទ្ធភាព និងត្រឹមត្រូវ។ កូន​មិន​ដែល​អស់សង្ឃឹមឡើយ កូនមិនដែលច្របូកច្របល់​ឡើយ ពីព្រោះព្រះវិញ្ញាណ​បរិសុទ្ធ​តែងតែដឹកនាំ​កូន​គ្រប់ៗ​រឿងទាំងអស់។ កូន​បំពេញ​មុខងារ​របស់ខ្លួន ដោយ​ប្រាជ្ញា និង​សមត្ថភាពដ៏អស្ចារ្យរបស់ទ្រង់ ដែល​មាន​ឥទ្ធិពល​លើ​ការ​ផ្លាស់​ប្តូរ​ សម្រាប់ជីវិត និងគ្រប់ទាំង​កាលៈទេសៈ​របស់​កូន។ កូនដើរក្នុងភាពពេញបរិបូរដែលថា ទ្រង់គឺជាអ្នកផ្គត់ផ្គង់របស់កូន, ហើយជារៀងរាល់ថ្ងៃ កូននឹងរស់នៅតាមជីវិតដែលមានតែជ័យជម្នះនេះ។ កូនសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន

#ការសិក្សាបន្ថែម៖ កូរិនថូសទី១ ១៤:២ យូដាស ១:២០ សាការី 4:6