الجهاز الهضمي || مصطلحات طبيه المستوي الاول

أهلا وسهلا بكل متابعينا الكرام والمهتمين ب المصطلحات الطبيه.
الكورس دا اسمه المصطلحات الطبيه للمستوي الاول .
يعني مفيد جدا للطلبه اللي ف الكليات الطبيه في المرحله الاولى بشكل خاص.

ومفيد للناس كلها طبعا بشكل عام.
النهارده هنتكلم عن الجهاز الهضمي.
مع العلم أن الفيديو مقسوم علي جزئين .
جزء حفظ وجزء فهم .
الجزء الحفظ زي مانت شايف كدا بطريقه الوايت بورد انيميشن.
واللي فيه هكتب الكلمات اللي لازم نحفظها بالانجليزي ومعانيها بالعربي علشان تساعدنا في فهم الجزء الثاني واللي عباره عن شرح علي برنامج 3d هنرتب ونفهم الحاجات اللي حفظنها في الجزء الاول .
معاكم أحمد شريف والكورس متاح علي اليوتيوب علي قناه المختصر المفيد. ويلا نبدأ.


الكلمات اللي هنحفظها كالاتالي
الجهاز الهضمي اسمه
Digestive system
Digestive
يعني هضمي .
System
يعني نظام أو جهاز
فيبقي digestive system
الجهاز الهضمي.
بيتكون من قناه هضميه اسمها
Alimentary canal
Alimentary
يعني غذائي أو هضمي
و canal
قناه
فيبقي
Alimentary canal
قناه هضميه .
بيتكون من ايه تاني الجهاز الهضمي.
بيتكون من مجموعه أعضاء اضافيه او ملحقه
Accessory organs
Accessory
يعني إضافي أو ملحق .
و organs
أعضاء .
فيبقي accessory organs
أعضاء اضافيه او ملحقه .
فيبقي دول الحاجتين الاساسييين اللي بيتكون منهم الجهاز الهضمي.
القناه الهضميه بتبدأ من ال
Mouth
واللي هو الفم .
والفم بيحتوي علي تجويف اسمه
Oral cavity
Oral
يعني اي حاجه متعلقه بالفم
و cavity
يعني تجويف
فيبقي oral cavity
تجويف الفم .
تجويف الفم بيبقي فيه 3 حاجات .
اللسان .
اللسان اسمه tongue
برضو تجويف الفم بيحتوي علي الاسنان
والاسنان اسمها
Teeth.
وبيحتوي ايضا علي الغدد اللعابيه . ودي الغدد اللي بتفرز اللعاب واسمها
Salivary glands.
Glands
يعني غدد . و salivary
يعني لعابي . وجايه من كلمه saliva
يعني اللعاب أو الريق .
فيه ٣ أنواع من الغدد اللعابيه.
Parotid gland
ودي الغده النكافيه .
Sub lingual gland
الغده أسفل اللسان
Sub
يعني أسفل وقولنا lingual يعني لسان . فتبقي
Sub lingual gland
الغده أسفل اللسان.
والغده التالته هي
Sub mandibular gland
الغده أسفل الفك السفلي.
Mandibular
جايه من mandible
يعني الفك السفلي.
خلاص تجويف الفم بعد كدا بيكون فيه البلعوم
والبلعوم اسمه pharynx
وعشان البلعوم بيتجزأ لأكتر من جزء .
احنا يهمنا في الجهاز الهضمي.
البلعوم الفمي واللي اسمه
Oropharynx
البلعوم الفمي .
بعد كدا بيبقي فيه المرئ .
ودا اشهر من النار عالعلم اسمه
Esophagus
بعد المرئ فيه المعده . واسمها
Stomach
لحد هنا انتهي الجزء العلوي من القناه الهضمية .
ويبدأ الجزي السفلي مع الأمعاء الدقيقة واسمها
Small intestine .
Small
يعني صغير او دقيق . و
Intestine
يعني أمعاء
فيبقي small intestine
الأمعاء الدقيقة.
الأمعاء الدقيقة ٣ أجزاء
الجزء الاول اسمه
Duodenum
يعني الاثني عشر
والجزء الثاني والأوسط اسمه
Jejunum
يعني الصائم .
والجزء التالت والأخير هو
Ileum
يعني اللفائفي. . وتنتي الأمعاء الدقيقة.
وتبدأ الأمعاء الغليظة وهي
Large intestine
واول أجزاء الأمعاء الغليظة اسمه
Cecum
يعني الاعور . وهو اسمه كدا .
بيتصل ب الاعور من أسفل. حاجه اسمها
Appendix
ودي الزايده الدوديه .
بيتصل ب الاعور القولون الصاعد واسمه
Ascending colon.
وبيتصل القولولون الصاعد ب القولون المستعرض
واللي اسمه
Transverse colon.
القولون المستعرض بيتصل بالقولون الهابط واسمه
Descending colon.
الجزء اللي بعد كدا اسمه القولون السيني
Sigmoid colon
بعد كدا بيبقي فيه المستقيم ودا اسمه
Rectum
بعد كدا القناه الشرجيه واللي اسمها
Anal canal.
وبكدا تنتهي القناه الهضمية .
فاضل الاعضاء الملحقه .
اول الاعضاء الملحقه قولناهم وهما الغدد اللعابيه
بعد كدا فيه الكبد واسمه
Liver .
والبنكرياس واسمه زي ما هو
Pancreas.
وأخيرا المراره واسمها
Gall bladder .