Kush guxon t’i fut duart në vullnetin e qytetarëve, do të ballafaqohet me forcën e ligjit

Kryeprokurori i Prokurorisë Themelorë në Prizren, Petrit Kryeziu ka thënë se janë ndaluar 109 të dyshuar nën dyshimin për manipulim të votave nga zgjedhjet e parakohshme të 28 dhjetorit 2025.Kryeziu gjatë konferencës për media ka thënë se të gjithë ata që kanë manipuluar me votat do të dalin para drejtësisë. Siç tha Kryeziu bëhet fjalë për mijëra vota të manipuluara dhe të falsifikuara.

Kryeprokurori i Prokurorisë Themelore të Prizrenit, Petrit Kryeziu, në një konferencë për media së bashkë me zyrtarë të Policisë së Kosovës, konfirmoi ndalimin e 109 komisionerëve zgjedhore të dyshuar për falsifikim të rezultateve të zgjedhjeve të fundit në Prizren...

Të ndaluarit tha ai, dyshohen për falsifikim të rezultateve zgjedhore, presion, kanosje e ryshfet për vota. Kryeprokurori Kryeziu tha para mediave se hetimet janë marrë përsipër nga Drejtoria për Krime Ekonomike, duke zbuluar parregullsi serioze gjatë procesit të numërimit të votave. Ai tha se dyshohet se janë shtuar mbi 40 mijë vota dhe janë hequr më shumë se 27 mijë vota, duke krijuar kështu një diferencë prej 68,017 votash.

Kryeziu është pyetur nëse do të ketë ndëshkim edhe për kandidatët politikë të cilëve u janë shtuar ose hequr vota. Ai është përgjigjur se deri tash nuk ka prova për përfshirje direkte të tyre, por që edhe atyre do të iu jepet mundësia të ballafaqohen me të dyshuarit me manipulime si palë e dëmtuar që kanë pretenduar.






---


























#tvprizreni#prizreni#lajmet