Tv Klan - Rama: Nuk votojmë kërkesën e SPAK, pa vendosur GJK për pezullimin

Parlamenti nuk do ta shqyrtojë kërkesën e SPAK-ut për heqjen e imunitetit të deputetes, zv.kryeministres Belinda Balluku, pa u shprehur më parë Gjykata Kushtetuese. Vendimin e mazhorancës e bëri të qartë kryeministri Rama në podkastin e radhës.

“Sikundër është bërë e qartë edhe në Komisionin e Mandateve në Kuvend, nuk ka asnjë gjasë që ne, shumica qeverisëse dhe parlamentare e këtij vendi, ta shqyrtojmë kërkesën e ngutur të prokurorëve për të autorizuar masa të reja ekstreme, pa mbaruar njëherë me themel procesi që kemi hapur në Gjykatën Kushtetuese, për masën ekstreme, për masën antidemokratike dhe antikushtetuese të pezullimit nga prokurorët, që sikur s’kishte ndodhur dhe s’ka ndodhur asgjë, erdhën me vrap të kërkojnë masa të tjera. Drejtësia nuk vrapon, drejtësia gjykon”.

Për të marrë përgjigjet ndaj këtij procesi, Rama paralajmëroi një analizë të thelluar.

“Kemi nisur analizën e thelluar të shenjave shqetësuese të brutalitetit në ushtrimin e pushtetit gjyqësor, pas dy kulminacioneve shumë të forta: pezullimi antidemokratik i një anëtari qeverie nga një prokuror e gjykatë me një vendim të shkallës së parë dhe tentativa e magjistratëve, gjykatës dhe prokurorëve bashkë të Shqipërisë për të rritur vetë pagat e tyre, duke shqyer arkën e shtetit. Vetë Ali dhe vetë Kadi”.

Kritikat mbi funksionimin e pushtetit gjyqësor, Rama i mbështeti edhe në raportin e Këshillit të Evropës, ku nënvizohet përdorimi i lartë i paraburgimit dhe zgjatja tej afateve.

“Edhe pse korniza ligjore shqiptare është në përputhje të përgjithshme, përgjithësisht me standardet evropiane në letër, vazhdojnë të jenë të pranishme prirjet për të supozuar nevojën për paraburgim, në vend të supozimit në favor të lirisë, dhe mungon praktika e zbatimit të masave proporcionale dhe të arsyetuara në mënyrë individuale. Kërkohet një ndryshim strategjik, përfshirë përcaktime më të qarta ligjore, kontroll më i fortë nga gjykatat e apelit dhe një sistem funksional i masave alternative”.

Pa komentuar nuk la edhe zgjedhjen e Avokatit të ri të Popullit mes kaosit e tensioneve në seancën plenare të 18 dhjetorit, teksa tha se Endrit Shabani ishte propozim i opozitës dhe se pakica nuk mund t’i impononte atij asgjë me pahir.

“Përveçse qesharake, edhe të lodhur deri në fund nga mendja, që nuk ua nxjerr e nuk ua nxjerr mësimin se me pahir e me budallallëk, mua dhe kësaj shumice popullore që quhet Partia Socialiste e Shqipërisë, jo ata, po askush në këtë vend nuk na imponon dot asgjë. Kreu i qeverisë komentoi edhe votimin e Avokatit të Popullit, Endrit Shabani, pas shumë akuzave dhe përplasjeve për këtë proces”.

Në podkastin e kësaj të diele, Rama u ndal edhe te vizita e tij në Hagë. Kryeministri shprehu mbështetjen e tij për ish-krerët e Ushtrisë Çlirimtare të Kosovës, të cilët prej vitesh po përballen me procesin gjyqësor në Dhomat e Specializuara.

Tv Klan

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/