放蛇直擊藥行硬銷影射貨｜星島申訴王｜安宮牛黃丸｜馬百良｜藥房｜影射貨

市民到藥行購買中成藥要特別小心！《星島申訴王》揭發有藥行疑為賺取更多利潤，用盡方法游說消費者購買著名中成藥的「影射貨」。記者假扮遊客放蛇，聲稱要買馬百良安宮牛黃丸，藥行職員卻力銷另一款包裝與正貨極為相似的安宮牛黃丸，更離譜地將「影射貨」包裝盒上的條碼(Barcode)訛稱為「中成藥註冊號碼」，企圖「出口術」將正貨與「影射貨」混淆。

「馬百良安宮牛黃丸」6大正貨特徵：

1️⃣「馬百良」品牌
正貨包裝上印有「馬百良安宮牛黃丸」字眼，其他類似包裝無「馬百良」就唔係馬百良正貨產品。

2️⃣ 人像商標
外盒及入面每粒蠟丸表面同樣印有人像商標，無標示呢個人像商標都係假冒或影射貨品。

3️⃣ 獨立防偽二維碼
每盒包裝上均有獨立防偽二維碼，用手機掃描二維碼進入系統進行認證，就可以識別產品真偽，更有保障。

4️⃣「HKC-01050」中成藥註冊編號
「馬百良安宮牛黃丸」外盒均印有由香港衛生署獲發嘅中成藥註冊編號「HKC-01050」！呢個編號只係得「馬百良安宮牛黃丸」獨有，其他嘅係唔會有。仲印有生產批號及有效日期，資料齊全。

5️⃣ 廠方聯絡資料
馬百良藥廠絕無其他副廠，香港製造！如有疑問，可以致電熱線📞 2543-1018查詢。

6️⃣ 代言人張衛健貼紙
近年亦新增代言人張衛健人像貼紙，務求大家一眼就認得出正貨。

最後，購買時要記得保留收據🧾，有懷疑打去問番舖頭喇！