المشروع فشل.. تعليق خطير من توفيق يثير أزمة.. ماذا قال عن الرئيس؟

المشروع فشل.. تعليق خطير من توفيق يثير أزمة.. ماذا قال عن الرئيس؟

كلام مهم جدا وخطير جدا قاله الإعلامي المصري المعروف
اللي قرر إنه يتكلم عن واحدة من أهم القضايا اللي شغلت المنطقة في الساعات اللي فاتت
بعد الأحداث المأساوية والمؤسفة اللي حصلت فيها وخلت ناس كتير تحس بالحزن الشديد على حال الأشقاء في السودان
لكن عكاشة كان له رأي مفاجئ ولافت في الموضوع ده،

إيه الي قاله توفيق عكاشة؟ وإيه الموضوع اللي فشل؟ وهل ممكن يتحقق تاني؟

كل ده وأكتر هتعرفه في التقرير ده من كواليس ما وراء الحدث

أحداث مؤسفة وسلبية عاشها السودان في الأيام اللي فاتت وشوفناها كلنا بسبب أحداث الفاشر اللي سيطرت عليها قوات الدعم السريع وعملت فيها انتهاكات مأساوية مؤسفة جدا للأسف

الإعلامي المصري توفيق عكاشة قرر يتفاعل مع الموضوع ده ويعلق عليه، وأكد ان اللي حصل في السودان سببه للأسف فشل رؤية الرئيس الراحل أنور السادات بإبعاد السودان عن أزمة الحروب، وده من خلال مشروع تكاملي بيربط مصر بالسودان والدول العربية كلها.

ووصف توفيق عكاشة الرئيس الراحل السادات بأنه أعظم سياسي حكم مصر، وإن مدرسته السياسية لازم الأجيال تتعلم منها الإدارة السياسية، وده ظهر بشكل واضح في رؤيته لمحاولة التكامل مع السودان.

وكتب توفيق عكاشة، على حسابه في منصة "إكس"، عن إدارة الرئيس الراحل السادات لأزمة السودان: “السادات بيأكد للأجيال الحالية إنه أعظم سياسي حكم مصر من أيام محمد على باشا وهيفضل اسم الزعيم خالد الذكر محمد أنور السادات شمس مشعة فى سماء السياسة المصرية ومدرسة تتعلم فيها الأجيال الإدارة السياسية”.

وجه تعليق توفيق عكاشة، ردًا على الحكاية اللي كشفها عبدالحميد أحمد حمدي، ابن البطل اللوا الراحل أحمد حمدي وهو واحد من أبطال حرب أكتوبر 1973، ودي الحكاية اللي كشف فيها رؤية السادات لتجنيب السودان الحروب، وإفشالها بتدخلات القوى الأجنبية.

وقال: “السودان ومصر والتكامل اللي فشل، يمكن الأجيال الجديدة متفتكرش لما السادات كان عنده حلم كبير التكامل بين مصر والسودان، وإن السودان تبقى سلة غذاء العالم العربي، تزرع، ومصر تاكل، والدول العربية تستفيد”.

وتابع عبد الحميد أحمد حمدي: “السادات اتفق مع السودان على مشروع تكامل ضخم، وكان فيه أمل بجد، بس للأسف، المشروع وقع بسبب تعنت سوداني وتدخلات خارجية خلت الموضوع يقع، مبارك جه بعدها وحاول يعيد نفس الفكرة، بس برضو نفس النهاية: السودان تلكك، والغرب تدخل، والمشروع فشل”.

وعن اللي بيحصل حاليًا في السودان وسر الحروب المستمرة هناك أكد عبد الحميد حمدي: “إيه اللي بيحصل دلوقتي؟ تقارير دولية زي اللي نشرتها وول ستريت جورنال ومجلس الأطلسي بتقول إن فيه دول بتدعم قوات الدعم السريع (RSF) بالمعدات العسكرية من سنة ٢٠٢٣، وشركات أجنبية اشترت أراضي زراعية ضخمة في السودان، أكتر من ٢١٢ ألف هكتار، والزراعة دي مش للسودانيين دي للتصدير والسيطرة على الغذاء”.

وأضاف: “كل ده زود التوترات، وسط نزاع كبير مستمر من أبريل ٢٠٢٣، رحل فيه عشرات الآلاف، واتشرد ملايين. الحلم اللي كان زمان اسمه تكامل عربي بقى دلوقتي استغلال- وأهل السودان بيدفعوا الثمن”

فهل تفتكر فعلا إن مصر والسادات ممكن يرجعوا يحققوا حلم السادات في التكامل بينهم ولا الموضوع انتهى خلاص؟..