فايز العتيبي & اهب يالليل الشتاء ياخذ معه نص النهار / كلمات بندر عياد حصرياً 2024

بمناسبة حفل / عوض بن محمد بن وسيمر السليس
لزواج ابنه / المهندس عيسى

اداء : فايز العتيبي

كلمات بندر عياد السليس


اهب ياليل الشتا ياخذ معه نص النهار
مسراه لسارين والمهموم ليل"سرمدي

لو ماتعرض للهوى وفك لصدر الزرار
بيد ضلوع الصدر ممافيه من ضيقه بدي

احيان في راسي مدابك خيل وملاطم حرار
وحيان في راسي عزاوي قوم تكفى وبعدي

مابين حرق اعصاب ولا بين نار وبين غار
وين انت ياعزمي وياصبر وياكبر اجهدي

تلاطم افكار القصايد وسط صدري بختصار
تلاطم الفريس يوم ان المواقيف اتحدي

تدافع وتردم وترزم وسدلت والجو ثار
شعالها البراق ولها فالمقاديم ارعدي

مارتاح لين اقرا من الايات بالصوت الجهار
يروق بالي واتريح من عنايه وهدي

ولاليا سجيت رجلي في هوا در البكار
الي غلاهن في شرايني مع الدم ايعدي

مانقبل ابهن سوم لو حطو مع المال العقار
اوصي عليهن بعد ماوصيت نفسي ولدي

واللي يعشقون المراجل والمواقيف الكبار
يستاهلون المدح من قبلي ومني وبعدي

والي عن الميقاف والصعبات جا خلف الستار
جعله فدا الذي يشوفها قدامه ابساط احمدي

مانمدح الا واحداً له في سما الامجاد كار
يطرب على شوف المواقيف القويه ويحدي

والمحفل الي كن ساحاته مساحات المطار
توافد اضيوفه عليه اموافدة نسك الفدي

والعود الازرق وشقر البن اليماني والبهار
ومن قبلها الترحيب والتقدير والفعل الشدي

يامرحبا بالي لفونا من على سمن وفقار
بسم الكريم الي على فعل الكرم كفه ندي

عوض ليا منه تنهض لشدايد ماستدار
حرا تعلا وعتلا بين الثريا والجدي

الدين والتقدير والاخلاق مع حسن الجوار
وعن لازمه وقة الوازم مايغيب ويحتدي

والي مع هل الجاه والامجاد سواله مسار
في نهج ابوه ونهج جدانه يسير ويقتدي

مهندس وصاطي و له بين الرجاجيل اعتبار
هذاك هو عيسى عسا عمره على الدنيا مدي

من عزوة لا كلحت سود اليالي ثم دار
رحى المعارك شيِب العين الي عليهم يعتدي

لاد السليس هل الظفر يومنها نار وشرار
عدوهم من فعلهم حاله على الدنيا ردي

من ذي عطيه فزعة المضيوم قصافت عمار
من ضربهم خبط الجماجم كنها خبط ابردي

كم من عقيدً حولوبه من على قحص المهار
روح عشا السرحان في ليل مخيف وجرهدي

ان ضاقو الدنيا تضيق وان فرحو الدنيا عمار
رجالهم كنه يقول اعنانها داخل يدي