محمد ال نجم & فهد بن هادي الخضران - يتقدم من تفاخر به الابه | ابناء ناصر بن حسيان ال حسيان 2026

الوعد ياهل المجاهيم معكاز الكويت
مهرجانٍ صاير اسمه حديث الالسنّه


لاحدٍ يقول شاركت وانا مادريت
فعلنا اللي العام بنجدده هذي السنّه


احفرو ل احلامكم وادفنوها كمبليت
والله ان ناموسنا قابضينه برسنه



اقبلت من يمت الغرب ضبضابه
مزنة تمطر بيوتٍ حماويه

من قريحة شاعر يحسب حسابه
لادعا الازم وإلى حان داعيّه

المزاين كل ماشرعو بابه
يقلط اللي اسمه علامه تجاريه

يتقدم من تفاخر به اللابه
ارجح يكبر وتكبر هقاويه

كل علمٍ يرفع الراس يحضابه
والشجاعه وإعتقان الكباريه

من دعا باسمه تنصاه واومابه
لين ماعاد يتفوه بطاريه

ياحسيان اقبل بكل حنزابه
والحق الميسم على الجمره الحيه

وازهم اللي لاحتكم الامر يدرابه
قول يامحمد وتوحي عزاويه

حي ابن عودٍ ربوعه تقدابه
شايب بعد اسمه ونعم مقفيه

ذوده اللي فالجهل كان يرعابه
كل صيف وكل زملوق وسميه

قد وطى الحد العراقي ولاهابه
والسماوه وصلها والرفاعيه

الشمال من اول إن طير بترابه
دون نبته ماتلدد مشاهيه

وان بغى تالي المرابيع الاجنابه
في شفوفه مايقرع من النيه

فالرخا نمشي معه وإنتحدابه
وانحدابه كل من تقضع لحيه

الزمان اللي مضى كشر بنابه
والسنه هذي على الضد مثنيه

مثل شوط سليمه يوم فزنابه
نزحت دق البكار الرهاويه

مانسيتو تلادنا يوم جينابه
والطويله بعد ماهيب منسيه

لاحضر من يعطي الحق طلابه
ينفهق من ياخذ الفوز عاريه

واللي مايقلط يلا حميت الشابه
مايفيده فالسعه مدح حاشيه

علم اللي فالسعه يفتل اشنابه
لايغايبنا يلا قربت الهيه

لاحضرنا يقنع ويمسك اعصابه
وينقصر من هقوته الانتحاريه

شوطنا نارٍ على من تهقوابه
وابلنا من دون ناموسه معيه

ماقلطنا مع هل الزين لعابه
قالطين ب كل نوطا ومسميه

كل ملحاً ف رقبتها تسلابه
قايمٍ غضروفها وإذنها حيه

تومي بشدق من الله رتّابه
ماتعلقته يدين الشريطيه

فارع تزها الجنايب و جذابه
دوسرية نسق والجبر مريّه

لا عرضت راعي النضر نالت إعجابه
واغوته من كل سوداً سنافيه

خفها لا ادوى على القاع مضرابه
مثل مضراب النجوم السماويه

حي ملحاً وصف ابوها يهدّابه
اسودٍ فرقه عن الزمل ماريه

يعمدونه كل ماقرب إضرابه
غادي ل اللي يبي مثله نحيه

من تعنا صوب داره ولقابه
مايجر إلا خليقه وفرديه