Promo Malta Records - 29 ta' Marzu 2014 f'Hal Balzan

L-AKBAR MIXEGĦLA TA' FAĊĊATA B'EFFETTI PIROTEKNIĊI STROBE

Attività mhux tas-soltu ser issir f'Ħal Balzan nhar is-Sibt 29 ta' Marzu 2014 fl okkazzjoni tal festa titulari ta Marija Annunzjata. Din ser tittella' mill-Każin tal-Banda San Gabriel -- Ħal Balzan A.D. 1920 u l-Għaqda Piroteknika 25 ta' Marzu -- Ħal Balzan A.D. 2007, li ser isir tentattiv tal-akbar mixegħla tal-faċċata tal-Każin tal-Banda San Gabriel, li jinsab eżatt ħdejn il-Knisja Parrokkjali, b'effetti pirotekniċi strobe. The Malta Records ser ikunu qed josservaw li jintleħqu l-kriterji meħtieġa tal-akbar mixegħla ta' faċċata b'effetti pirotekniċi strobe.

Matul iż-żmien, it-tradizzjoni tal-manifattura tal-logħob tan-nar kienet waħda kbira f'Ħal Balzan. Għaldaqstant, biex din it-tradizzjoni piroteknika tibqa' ħajja f'Ħal Balzan, inħass il-bżonn li ssir attività fejn l-artiġġjan pirotekniku Balzani jerġa' jagħti l-ħajja lil din is-sengħa partikolari li fil-jiem tas-sajf tiġbed ħafna nies u turisti jaraw wirjiet pirotekniċi fil-festi tal-bliet u rħula Maltin. U fil-fatt din il-wirja li ser issir tal-akbar mixegħla ta' faċċata b'effetti pirotekniċi strobe ser tkun ukoll iddedikata lil dawk il-Balzanin kollha li ħadmu u paxxew lid-dilettanti Maltin bl-ilwien li kienu jimmanifatturaw ġewwa l-Kamra tan-Nar San Gabriel li kienet tinsab fil-limiti tal-Iklin.

Matul is-serata ser ikun hemm divertiment garantit u dhul huwa bla hlas. Il-mistiedna speċjali ser ikunu l-grupp Firelight, rebbieħa tal-Malta Eurovision Song Contest bid-diska Coming Home. Qabel ser ikun hemm diversi kantanti żgħażagħ u tfal li ser juru t-talenti tagħhom fil-kant ukoll.

Matul is-serata ser ikun hem diversi stands tal-ikel, xorb, helu u affarijiet ohra f atmosfera ta' festa ghal Familja kollha. Għat-tfal ser ikollna Bouncing Castle. Is-serata tibda fit-8.30pm quddiem il-Kazin tal-Banda San Gabriel, Hal Balzan. Ser jkun hem ukoll pasta night buffet seated bil-booking minn qabel fuq 79093057 ghal prezz ta 10 euro. Dan l-appuntament m'għandux jintilef għax hija opprtunità unika li effetti pirotekniċi strobe jixegħlu s-sede tal-Każin tal-Banda San Gabriel f'Ħal Balzan sabiex jitnizel Rekord Nazzjonali iehor f'pajjizna.