Top News - Rusia varroset nën borë, trashësia 3 metra / Kina e Japonia në telashe, ndalet transporti

Lindja e Largët e Rusisë u mbulua nën metra dëborë nga reshjet më të dendura në 60 vjet të martën, ndërsa një valë dimri përfshiu Azinë, duke zbardhur plotësisht Shangain dhe duke anuluar fluturimet në veriperëndim të Japonisë.
Vala e të ftohtit ndërpreu transportin në të gjithë rajonin, duke mbyllur rrugët në Kinë, duke bllokuar udhëtarët në aeroporte në Japoni dhe duke lënë të paralizuara pjesë të Lindjes së Largët të Rusisë. Shkencëtarët thanë se moti i acartë lidhej me valët e ajrit të ftohtë që vinin nga Arktiku, të cilat po ndikonin njëkohësisht në Rusinë Lindore dhe në Azi, si edhe një vale të dytë, që ndikonte në Evropën Lindore. "Kemi këto dy shpërthime të njëkohshme ajri të ftohtë që zbresin nga Arktiku për shkak të një valëzimi në rrjedhën e ajrit", thanë ekspertët duke iu referuar rrymave të ajrit në atmosferën e sipërme që përcaktojnë modelet e motit.
Në Gadishullin Kamchatka, në Lindjen e Largët të Rusisë, bora me trashësi disa metra bllokoi hyrjet e ndërtesave dhe varrosi makinat. Më shumë se 2 metra dëborë ra në disa zona në gjysmën e parë të janarit, pas 3.7 metrave që u regjistruan në dhjetor, sipas stacioneve të monitorimit të motit.
I njëjti sistem përfshiu jugun e Kinës, ku një valë temperaturash të ulëta solli reshje të rralla dëbore në qendrën financiare të Shangait, ndërsa autoritetet paralajmëruan se moti i ftohtë mund të zgjaste për të paktën tre ditë. Ndërkohë, vetëm një javë më parë temperaturat në shangai shkuan në 20 gradë celcius.
Në Japoni, erërat e forta dhe reshjet e dendura të borës ndërprenë udhëtimin përgjatë bregdetit të saj veriperëndimor, duke anuluar dhjetëra fluturime dhe duke goditur rajonet e njohura të skive në kulmin e dimrit. Agjencia Meteorologjike e Japonisë paralajmëroi se borë e dendur do të regjistrohej në rajonet veriore dhe perëndimore mes 21 dhe 25 janarit, duke u bërë thirrje njerëzve të shmangin udhëtimet jo thelbësore.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Rusi#Kine