İş Həyatında Dəyişim || İmran Bağırov

Korporotiv işinizi tərk etməkdən qorxursunuz? Bu yaxınlarda bir qərar verdim. Azərbaycanda yüksək səviyyəli Telecom şirkətlərinin birindən idarə heyətindəki vəzifəmi tərk etdim. Bəli, mən daha yaxşı paraşüt qurub arzularımı daha yaxşı həyata keçirərkən yarı paraşütlə təyyarədən atladım. Niyə yarı paraşüt? Çünki başqa bir təklifi qəbul edərək ayrılmadım, özümlə mərc gəlib gələcəyə qaçdım. Düzdür, bu asan bir qərar deyil və mən bilirəm ki, bir çox professional insan bu qərardan çəkinir və qorxurlar. Bu yazını yazaraq keçid mərhələsində olan və növbəti həyatı haqqındaki dəyişiklikləri ciddi düşünənlərlə öz təcrübəmi bölüşməyi səbirsizliklə gözləyirəm. Bu yeni keçid mərhələsinə hələ 1-2 həftədir keçmişəm, lakin ümid edirəm ki, insanlarla bu keçid haqqında daha uğurlu paylaşımlar edəcəm. Mən əsas 3 nöqtəyə diqqət yetirmək istərdim:
İşinizi tərk etmək üçün səbəblər.
Atlayışa necə hazırlaşmalı?
Yeni reallıqları qəbul etmək.
1. İşinizi tərk etmək üçün səbəblər. Mən belə şeyləri kateqoriyalara ayırmağı sevirəm, buna görə də burdakı potensial səbəbləri sıralamaq istərdim. Öz müşahidələrimə görə ən çox yayılmış səbəb insanların işlərindən məmnun olmamasıdır. A- Siz işlədiyiniz şirkətdə inkişaf etmirsiniz. Bu, insanlardan eşitdiyim ən çox yayılmış səbəblərdəndir. İnkişaf sözünü, öyrənmək və ya karyera yüksəlişi olaraq da başa düşə bilərik. Bu ortaq ifadə hər şey bildirə bilər. Siz irəli getdiyinizi hiss etmirsiniz. Əgər sizdə bu hiss uzun müddətdir varsa, mənim ən yaxşı məsləhətim birbaşa menecerinizlə danışmaqdır. Bundan sonra nə olacağını anlamaq üçün kömək etmələrini xahiş edin. Əgər siz artıq bu addımları atmısınızsa və heçnə baş vermirsə bu işinizi tərk etməyi düşünmək üçün səbəbdir. B- İşinizdəki maaş ədalətli deyil. Gəlin özümüzə açıq danışaq. Pul kritik məsələdir. İşdə olarkən öz bilik və bacarıqlarınızı pula dəyişirsiniz. Ayın sonunda plastik kartınızı bankomat adlanan metal maşına qoyursunuz və sehr baş verir. Sənə pul verilir. İndi sual budur. Sizə olunan ödəniş ədalətlidirmi? Termin- ədalətli olmaq qismən subyektiv bir şeydir, amma qərarınız üçün edə biləcəyiniz ümumi araşdırmaları burdan araşdıra bilərsiniz. Öz şirkətinizdəki rəqiblərinizin, şirkətdəki işçilərin aldığı maaşları qarşılaşdıra bilərsiniz. Əlbəttə ki, maaş haqqında məlumatlar gizlidir, amma dostlarınızdan maaşla bağlı bir neçə məlumatlar ala bilərsiniz. Mən işçilərdən maaş soruşmağınızı qətiyyən məsləhət görmürəm, olduğunuz vəziyyəti, niyyətinizi açıqlamalı olduğunuzu düşünürəm. Aşağıda tədqiqat nəticələrinin nümunələri var. Mediadan daha çox cavab əldə edə bilərsiniz. Araşdırma apararkən eyni vəzifəni və iş həcmini müqayisə etməyi unutmayın. Əksi təqdirdə nəticələr yaxşı olmaya bilər. Hər bir ölkədə əmək haqqı sorğusu ilə bağlı məlumatlar mövcuddur. İnsan resurslarında müxtəlif təşkilatlardan dostlarınız varsa, işiniz üçün bazar dəyəri haqqında düzgün məlumatlar əldə edə bilərsiniz. Onlardan əmək haqqı sorğusu ilə bağlı olan nəticələri istəməyin, çünki bu çox etik olmayacaq.
-------------------------------------------------------------------------------------------------------------------------------------------------------
Əlaqə:   / businestalks...​  
Animasiyanı Animators ( https://animators.az ) şirkəti təqdim edir.
--------------------------------------------------------------------------------------------------------------------------------------------------------

Kontent Müəllifi: İmran Bağırov
Səsləndirmə müəllifi : Tural Vəliyev
Animasiya müəllifi : Jalə Həsənzadə
Layihə Meneceri : Kamran Tağıyev