Kangë VII - KUVENDI I BERLINIT - Lahuta e Malcis - At Gjergj Fishta - Reciton Artur Shkurti

KANGË E SHTATËT
ARGUMENTI: Zanën e vet per t’i diftue se shka Jânë. Pergjegja âsht e qartë. Lufta ndermjet Turqisë e Rusvet kishte shpëthye dhe do të kishte shkue gjatë, po mos të kishin hî ndermjet fuqit e mëdha Europiane. Kështu nxen fill Kuvendi i Berlinit. Mjerisht për Shqipni s’mendon kurkush n’atë mbledhje. Perkundra Knjaz Nikolla, sado i veshun si lypës, paraqitet dhe pranohet në kuvend. Ankesat e tija të përvajshme prekin dhe thejnë zemrat e të mëdhajve. Këta, me godi me Sulltanin, i apin dorë të lirë mbi viset shqiptare të veriut dhe dajnë që Plava, Gusija, Shkodra e Malsija t’i kalojnë Malit të Zi, kufini i të cilit do të kapej deri në rrjedhen e Drinit. Ky vendim i pa drejtë ban Poetin të namë nenshkruesit e aktit mizorë dhe berbetohet se Shqipnija s’ ka per t’i u lëshue kuj, se gjaku të derdhet deri në gju dhe bota marë të kallet Flakë.
Gëzimi i Knjaz Nikollës âsht i pamasë. Ai tashti s’mendon veç kohën e ardhshme plot pasuni e tëmirë, plot madhnì e nderime. Kthehet në Cetinë dhe thërret Pàl Milanin, të cilit i urdhnon të gatoi sa mâ parë pesë taborre dhe me to te niset per tokat shqiptare. E porosit dhe i ep planin e luftës. Pali, ma i urtë se trim, pleqnon me veti dhe bindet per fjalet e Knjazit, per te cilin ishit gadi me e hjedh ne flakë të zjarmit e në valë t’ujit., por jo me ran ë Shqìpni . Qeshë Nikolla para ligshtisë së prisit dhe nisë t’a tallë tuj e këshillue, si në gaz, të bahej pop a por të njeshte furken e grues per të tjerrë,në vend të saj, te dera e shtepisë. Atë çka s’ndëgjon Pàli, ka për të m’a çue në vend Mark Milani ─ thotë krajli ─ dhe me nji herë ep urdhën të thërret tanë burrnimin n’ ushtrì. Tuj bat ë vetat fjalët e Zanës i sillet Poeti Knjaz Nikollës dhe e qorton per gabim qi, ishte tue ba, mbasi rrêhet keqas kushdo, që
i nget në të padrejtë shqiptarët.

REFERENCË: Botimi III, Romë, 1991

Nxitoni të regjistroheni tek shkolla "Udha e shkronjave, organizatore e Olimpiadës Kombëtare. Na ndiqni në faqen www.udhaeshkronjave.com

UDHA E SHKRONJAVE (1997)
rr. Qemal Stafa, nr.124, Tiranë
cel. 0692076068