طريقه عمل كباب كفته الفراخ فى 10دقايق باسهل طريقه والطعم حكايه

لو بتدوري على أكلة سريعة، لذيذة، ومليانة نكهة... فأنتِ في المكان الصح! النهاردة هنعمل مع بعض كباب الفراخ المشوي بتتبيلة ولا أروع! طري، مشوي على الفحم أو في الفرن، والطعم؟ هيخلي كل اللي يدوّقه يطلب تاني! يلا بينا نشوف الطريقة خطوة بخطوة!" 🔥🍢
#طريقه_تحضيركباب_الفراخ او كفته الفراخ المشويهو
#المقادير
✨فراخ مخليه مفرومه
✨دهن بقرى او ليه خروف
✨واحد فلفل الوان احمر حوالى ربع كيلو
✨فلفل اخضر سبايسى لو بتحبى حامى
✨٢بصله كبيره مفرومه
✨بقدونس مفروم
✨معلقه دقيق
✨معلقه دبس رومان
✨معلقه عسل نحل
✨بشر. نصف ليمون

#البهارات
✨فلفل اسمر
✨ملح
✨معلقه بابريكيا
✨معلقه كزبره ناشفه
✨معلقه بهارات مشكله او ٧بهارات او اى نوع بهارات بتحبيها
✨بشر ليمونه
#التوميه
✨معلقتين زبادى
✨معلقتين مايونيز
✨نص معلقه توم مفروم
✨عصره نصف ليمون
✨ملح
#لتحضير سلاطه للكباب
✨بقدونس
✨بصل جوانح
✨سماق وكمون ونصف ليمون
#طريقه تحضير كباب الفراخ او كفته الفراخ
اولا🌯
✨هتفرمى الفراخ مع الدهن كويس
✨وبعدين هتفرمى الفلفل والبصل وعليهم رشه ملح وحطيهم فى مصفه لحد مايصفى مايتهم
ثانيا🌯
فى بوله هتحطى الفراخ مع البصل والفلفل ومعلقه الدقيق
والبقدونس وهتخلطيهم مع بعض كويس وسيبهموفى التلاجه على الاقل نصف ساعه
ثالثا🌯
مياه البصل والفلفل هتحطى عليها معلقه كاتشب ومعلقه دبس رومان وشطه وعسل نحل وفلفل اسمر وملح واخلطيهم كويس مع بعض ودا الصوص اللى هنصبع بيه الكباب
رابعا🌯
سلاطه الكباب او المشاوى
هتقطعى البصل جوانح وعليهم بقدونش ورشه سماق وعصير ليمون ورشه كمون
لشوى🌯🌯
هتبلى ايدك بالصوص اللى حضرناه وتصبعى الكفته وتبتدى الشوى على يا على الفحم او الفرن او الشوايه الجريل وبالف هنا وصحه على قلبكم
جربوها وهتعجبكم وتحدى حقيقى تحفه
#متنسوش_تصلى_على_الحبيب_المصطفى
#متنسوش_الاشتراك_واللايك_والشير
#كباب_فراخ #كفته #مشاوى #كفته_فراخ