Xurshid Davron. She’rlar. She’rlarni Rahmon Qo‘chqor o‘qigan.

20 январ - Ўзбекистон Халқ шоири Хуршид Даврон туғилган кун / 20 yanvar - O‘zbekiston Xalq shoiri Xurshid Davron tug‘ilgan kun

Хуршид Даврон. Шеърлар. Шеърларни Раҳмон Қўчқор ўқиган / Xurshid Davron. She’rlar. She’rlarni Rahmon Qo‘chqor o‘qigan.

Xurshid Davron (asl ismi: Davronov Xurshid, 1952-yil 20-yanvarda Samarqand shahri yaqinidagi Chordara qishlogʻida tugʻilgan) — oʻzbek shoiri, dramaturgi, tarixchisi, yozuvchisi va tarjimoni. Oʻzbekiston xalq shoiri (1999). Adabiyot sohasida beriladigan Mahmud Koshgʻariy nomidagi Xalqaro mukofot (1989), Xalqaro „Oltin qalam“ mukofoti (2009), Ozarbayjonning „Mikoyil Mushfiq“ mukofoti (2013), Turkiyaning Niyoziy Misriy nomidagi mukofoti (2022) bilan taqdirlangan.
Xurshid Davronning ilk sheʼriy turkumi 1976-yilda ustoz Erkin Vohidov oq yo‘.li bilan "Guliston@ jurnalida chop etilgan. Birinchi kitobi("Qadrdon quyosh") 1979-yilda bosib chiqarilgan. Shundan soʻng shoirning "Shahardagi olma daraxti" (1979), "Tungi bogʻlar" (1981), "Uchib boraman qushlar bilan" (1983), "Toʻmarisning koʻzlari" (1984), "Bolalikning ovozi" (1986), "Qaqnus" (1987), "Bahordan bir kun oldin" (1989) singari kitoblari dunyoga keldi.
Xurshid Davron 90-yillarda sheʼriyatdan koʻra nasriy janrlarda samarali ijod qildi. U oʻtmishda yashagan unutilmas tarixiy siymolar hayoti va faoliyati bilan qiziqib, 'Samarqand xayoli' (1989), 'Sohibqiron nabirasi' (1995), 'Shahidlar shohi yoxud Shayx Kubro tushlari' (1998,2008), 'Bibixonim qissasiʼ (2006), kabi tarixiy-maʼrifiy qissa va 'Algʻul' (1995), 'Boburshoh sogʻinchi' (1996) pyesalarini yaratdi. Xurshid Davron bu asarlari bilan 90-yillarda Oʻzbekistonda tarixiy oʻtmishga boʻlgan munosabatning yana ham qizgʻin tus olishiga munosib hissa qoʻshdi.

Adib Sharq va Gʻarb shoirlarining asarlaridan iborat „Qirq oshiq daftari“ (1989) va yapon shoirlarining sheʼrlaridan tarkib topgan „Dengiz yaproqlari“ (1988) toʻplamlarini oʻzbek tiliga tarjima qilgan.

Xurshid Davron sheʼrlari 40 dan ortiq xorijiy tillarga tarjima qilingan. Uning kitoblari va sheʼrlari Ozarbayjon, Polsha, Xitoy, Bolgariya, Rossiya, Turkiya, Eron, Fransiya, Ispaniya, AQSh, Yaponiya, Moʻgʻuliston, Hindiston, Germaniya, Latviya, Litva, Tojikiston, Qirgʻiziston, Turkmaniston va boshqa davlatlarda nashr etilgan. Rus tilida 2 kitobi („Drevniy napev molodogo dojdya“. Moskva., Molodaya gvardiya, 1982 va „Polet odinokoy ptitsi“. Toshkent., 1989) nashr etilgan. Xurshid Davron 1993-yilda Turkiyaning Bursa shahrida boʻlib oʻtgan Birinchi Turkiy shoirlar anjumanida, 1996-yilda Vashingtonda boʻlib oʻtgan Osiyo adiblari kongressida, Rossiya, Polsha, Bolgariya, Janubiy Koreyada oʻtkazilgan poeziya festivallarida ishtirok etgan.

Хуршид Даврон (асл исми: Давронов Хуршид, 1952-йил 20-январда Самарқанд шаҳри яқинидаги Чордара қишлоғида туғилган) — ўзбек шоири, драматурги, тарихчиси, ёзувчиси ва таржимони. Ўзбекистон халқ шоири (1999). Адабиёт соҳасида бериладиган Маҳмуд Кошғарий номидаги Халқаро мукофот (1989), Халқаро „Олтин қалам“ мукофоти (2009), Озарбайжоннинг „Микойил Мушфиқ“ мукофоти (2013), Туркиянинг Ниёзий Мисрий номидаги мукофоти (2022) билан тақдирланган.
Хуршид Давроннинг илк шеърий туркуми 1976-йилда устоз Эркин Воҳидов оқ йў.ли билан "Гулистон@ журналида чоп этилган. Биринчи китоби("Қадрдон қуёш") 1979-йилда босиб чиқарилган. Шундан сўнг шоирнинг "Шаҳардаги олма дарахти" (1979), "Тунги боғлар" (1981), "Учиб бораман қушлар билан" (1983), "Тўмариснинг кўзлари" (1984), "Болаликнинг овози" (1986), "Қақнус" (1987), "Баҳордан бир кун олдин" (1989) сингари китоблари дунёга келди.
Хуршид Даврон 90-йилларда шеъриятдан кўра насрий жанрларда самарали ижод қилди. У ўтмишда яшаган унутилмас тарихий сиймолар ҳаёти ва фаолияти билан қизиқиб, 'Самарқанд хаёли' (1989), 'Соҳибқирон набираси' (1995), 'Шаҳидлар шоҳи ёхуд Шайх Кубро тушлари' (1998,2008), 'Бибихоним қиссаси' (2006), каби тарихий-маърифий қисса ва 'Алғул' (1995), 'Бобуршоҳ соғинчи' (1996) пьесаларини яратди.

Адиб . Шарқ ва Ғарб шоирларининг асарларидан иборат „Қирқ ошиқ дафтари“ (1989) ва япон шоирларининг шеърларидан таркиб топган „Денгиз япроқлари“ (1988) тўпламларини ўзбек тилига таржима қилган.

Хуршид Даврон шеърлари 40 дан ортиқ хорижий тилларга таржима қилинган. Унинг китоблари ва шеърлари Озарбайжон, Полша, Хитой, Болгария, Россия, Туркия, Эрон, Франция, Испания, АҚШ, Япония, Мўғулистон, Ҳиндистон, Германия, Латвия, Литва, Тожикистон, Қирғизистон, Туркманистон ва бошқа давлатларда нашр этилган. Хуршид Даврон 1993-йилда Туркиянинг Бурса шаҳрида бўлиб ўтган Биринчи Туркий шоирлар анжуманида, 1996-йилда Вашингтонда бўлиб ўтган Осиё адиблари конгрессида, Россия, Польша, Болгария, Жанубий Кореяда ўтказилган поэзия фестивалларида иштирок этган.