Nauha - Karbala se chale jab ke ahle haram (With Lyrics)|Agha Jafar Mashadi | 29th Safar | 2021

‪@GhamEHussain_as‬

Nauha: Dekhlo Kufiyo Hum Wohi Log Hai

Recited By Janab Agha Jaffar Mashadi Sahab

written By Janab Shaheed Sibte Jaffar Sahab(please recite surah fateha for shaheed)

At Ibadath Khana e Hussaini, Hyderabad India

On 29th Safar(7-10-21
_______________________________________
Lyrics:-

Karbala se chale jab ke ahle haram
Guzre ganje shaheedaa'n se ba chashme nam
Girte padhte chale abid e khastadam
Pohonche kufa toh bole ye imam e umam

Dekhlo kufiyo hum wohi log hai
Hum ko pehchanlo hum wohi log hai

Khatm is ghar pa aakar shariyath hui
Aur mukammal nubuwath risalath hui
Farz ummat pa jinki ita'at hui
Unki ummat ke haatho'n ye halath hui
Dekhlo kufiyo hum......

Is zamane se kitni wafa humne ki
Kab namaz e shariyath qaza humne ki
Zul Asheera ki qeemath ada humne ki
Zulm tumne kiye aur dua humne ki
Dekhlo Kufiyo hum.......

Jinka jibreel jhula jhulaate rahe
Hoor o hulmaan lori sunate rahe
Banke saail malaek bhi aate rahe
Ambiya jinke ghar aate jaate rahe
Dekhlo kufiyo hum.....

Humko taj o hukumath se raqhbath kaha'n
Hum tumhare bulaane pa aaye yaha'n
Mujhko pehnaadi touq o rasan bediya'n
Hu'n mai ibne imam o imam e zama'n
Dekhlo kufiyo hum.....

Ghar ka ghar nazre karbobala hogaya
Aaj balwe me hai itrat e mustafa
Qaid aur bandh me hum hue mubtela
Humko dar dar phiraate ho tum be-qata
Dekhlo kufiyo hum.....

Tum jo jam'ah yaha'n itne afraad ho
Dekh kar humko mushkil me Kyu'n shaad ho
Yaa'n nabizaadiya'n hai ye gar yaad ho
Tum hamare ghulamo aulaad ho
Dekhlo kufiyo hum....

Tera(13) zarbo'n se sar jiska kaata gaya
Teen din dasht me jinko pyasa rakha
Jinka ghar ek din me ujada gaya
Jisko tum ne kiya aseer e bala
Dekhlo kufiyo hum.....

Jinka tum dekhte ho tamasha yaha'n
Binte paighambar e dojaha'n inki maa
Thi yahi pehle kufe ki shahzadiya'n
Thi kaneezae tumhari bahu betiya'n
Dekhlo kufiyo hum......

Phir rahe hai jo bazaar me darbadar
Lut gaya dopahar me bhara ghar ka ghar
Hai shaheedo'n ke laashe pade khaakh par
Noke naiza pa hai sab shaheedo'n ke sar
Dekhlo kufiyo hum.....

Kaise kaise haseen aur pyare gaye
Mushafe noor qura'n ke paare gaye
Saamne apni aanko'n ke taare gaye
Kaise kaise jawa'n apne maare gaye
Dekhlo kufiyo hum.....

Mai bazahir nai faur bezaar hu'n
Bhuka pyasa aseer aur bemaar hu'n
Mujhko majboor math jaano muqtar hu'n
Par rizae ilahi se lachaar hu'n
Dekhlo kufiyo hum....

Kya meri shayari aur nauha mera
Mir sahab ka arse se israar tha
Aapne sibte jafar jo pursa diya
Dar haqiqath hai ye syyeda ki ata
Dekhlo kufiyo hum.....


Presented by Ghame Hussain (as)

Hyderabad India