«Қазақ тілі мен әдебиеті мұғалімдерінің кәсіби құзыреттілігін жетілдіру» курсының промо-видеосы

Біліктілікті арттыру курсы қазақ тілін оқытуда кәсіби қызмет атқаратын орта білім беру ұйымдары мұғалімдеріне арналған және олардың пәндік-әдістемелік құзыреттерін заманауи білім беру саясаты талаптарына сәйкес дамытуға бағытталған. Бағдарлама мазмұны төрт модульден тұрады және әрбір модуль мұғалім қызметінің өзекті аспектілерін қамтиды: нормативтік-құқықтық және тәрбиелік, психологиялық-педагогикалық, пәндік-әдістемелік (мазмұндық) және практикалық.
Бағдарламаның құрылымы тыңдаушыларға заманауи әдіснамалық тәсілдермен танысуға, қазақ тілін екінші тіл ретінде оқыту ерекшеліктерін меңгеруге, оқыту мен бағалау үдерісіне инновациялық шешімдерді енгізуге, сондай-ақ алған білімдерін нақты тәжірибеде қолдануға мүмкіндік береді. Курстың мазмұны қазақ тілін оқытуда құзыреттілікке негізделген тәсілді, сараланған және инклюзивті оқытуды, функционалдық сауаттылықты қалыптастыруды, геймификацияны, жасанды интеллект пен цифрлық құралдарды пайдалануды қамтиды.

Курстың сілтемесі: https://infolesson.kz/kursy/%D2%9Baza...