ซังคนเว้าพื้น - วิหค ไผ่พนา [OFFICIAL MV]

เพลง ซังคนเว้าพื้น
ศิลปิน : วิหค ไผ่พนา
คำร้อง / ทำนอง : วิหค ไผ่พนา
เรียบเรียงดนตรี : อ.ชวลิต เกาะสมบัติ

ที่ปรึกษา
อ.สุพรรณ ชื่นชม
อ.อนุชิต ลีลาศสง่างาม
ดีเจ.ปีกซ้าย มเหศวร สิงห์บ้านท่า
ครูถกล นิตยบูรณ์

ที่ปรึกษางานผลิต
หลานหนุ่ย ลายไท เมเดีย
วิหค ไผ่พนา
พร บุญภา

กำกับ / ตัดต่อ / กราฟฟิค
พร บุญภา

ทำสี
KOBTADUM

นักแสดง
จำเนียร เบ้าคำ
แม่ช่วย นามเกตุ
แม่ผ่องศรี คุณรักษ์ ( อดีตนางเอกคณะ ผ.รุ้งศิลป์ )
แม่ขวัญใจ ภาณะรมย์ ( อดีตนางเอกคณะขวัญอุบล )
แม่พรวง ภาณะรมย์
แม่สมจิตร ภาณะรมย์
นิเวศน์ ภาณะรมย์

~~~~~~~~~~~~~~~~~~~~

เนื้อเพลง: ซังคนเว้าพื้น

โอ้ยเด้นาง เว้าพื้นคนมันกะมีหลายล้นอยู่ในโลกมนุษย์ สุดคะเนบ่ได้มีหลายแบบแต่เห็น บ่อาจเว้นหนีแม่นทางกรรมนำสนองบ่เซาจ่องดึงขึงน้าว อาวลุงป้าตายายคึดอ่าน คนอยู่ในหมู่บ้านมีหลายพวกต่างกัน พวกหนึ่งนั้นเทียวจอบจับผิดเว้าพื้นคนเป็นจอมหน่ายหลายมวลนี้ มันหากมีคนสอดแนมหาเว้าตั้งแต่พื้นผู้อื่น มีความสุขราบรื่นเอาแท้คักหลาย เว้าใส่ร้ายคนอื่นเบิ๊ดปี ส่วนว่าโตบ่มีดีหยังจักน้อย

(เพลง) นั่งคอยจับกันเป็นหมู่ เรื่องคนอื่นรู้ทุกซอกหลืบใน ครอบครัวตัวเองเป็นเช่นไรตอบยังไม่ได้แต่รู้คนอื่นดี คนนั้นมั่งมีเงินล้านรู้หมดเลยทุกอย่างเว้าพื้นทั้งปี คนจนว่าเขาเป็นหนี้ คนนั้นว่าเขาเป็นหนี้ มันชั่งรู้ดีเรื่องคนอื่นจัง

(ลำ) จนบางครั้งอยากเอาปืนยิงใส่ๆ ให้มันตายกองไว้คือขี้ใส่นา เว้าอยู่ฟ้าคุยอวดโตดีบ่มีหยังสาระยามจาคุยเว้า คนอื่นเขาหาทำงานเลี้ยงชีพ นร้อยบื่นใส่ จนว่าเหงื่อรินไหลเทื่อสิได้มาเลี้ยงไทเฮือนบ้านเจ้าของ จนว่าท้องไส้กิ่วผอมโซโสแต่ทางคุยกันนี้ว่าเขาจนไฮ้ คนผ่านไปขี่รถกายหน้าบ้านกะเอามาไว้ใส่ ว่าเขาบ่ไปไสเฮ็ดงานการสั้นบ้อเที่ยวส่อคุยกัน เรื่องเขานั้นยากแม่นนำหลาย คือบ่ตายสาเลยอยู่ไปฮกบ้าน

(เพลง) เฮือนซานตัวเองไม่อยู่นั่งกันเป็นหมู่เว้าพื้นทุกวัน ไปเฮือนคนนี้คนนั้น จับกลุ่มคุยกันเว้าพื้นนินทา วาจาชอบพูดสอดเสียดขมเหงบังเบียดต่างๆนาๆ แม้นว่าร่ำรวยล้นฟ้าๆ เวลาตายมาก็นอนโลงเหมือนกัน

(ลำ) ทุกชนชั้นเป็นคนส่ำหมู่ๆ อย่าสิมักสอดรู้เขานั้นคักหลาย ส่างเป็นฮ้ายแท้หน่อใจคนสนแต่คนอื่นเขานี้เว้าดีหลายแท้ นิสัยแย่แก้บ่ตกคึดว่าแม่นสิตายทั้มม้าเป็นผีนั้นกะตาม ตายไปก้ำนรกอเวจีติดนิสัยนินทานำเอาไปใช้ จับกลุ่มได้เว้าพื้นนายท่านยมบาลทำงานว่าลงโทษโหดร้ายหมายฆ่าขู่เข็น ยมบาลนี้กะยังบ่เว้นถืกแม่นนินทา นับประสาไทเฮาคิดเอาเลยท่าน

(เพลง) วิจารณ์แต่เรื่องของคนอื่นกลางค่ำกลางคืนนอนคิดร่ำไป พรุ่งนี้จะพูดอะไรเอาเรื่องใหม่ๆมาพูดนินทา แม้นว่าเจ็บไข้นอนป่วยเอายามยาช่วยก็ไม่บรรเทา ได้เว้าพื้นคนแล้วค่อยเซาๆอิ่มแทนกินข้าวนี้ละยานินทา
(ลำ) ในใต้ฟ้าอยู่โขงเขตพื้นแผ่นๆ แสนสิหนีบ่พ้นการเว้าใส่ไฟ แต่องค์ไท้สัมมาโพธิญาณ คนกะหาญนินทากล่าวจาองค์ท่าน เฮาชาวบ้านหากินเช้าค่ำ ยังมีเวรมีกรรมนำสนองบ่พ้ยนให้หวิดโม่มหลีกหนี โลกใบนี้บ่มีแมนจีรังมีคนซังคนฮักก่ายก่องนองล้น รวยหรือจนคนกะเอาเว้าพื้นบ่จบสิ้นดอกท่าน พวกปากอัตพาลคำเว้ามีค่าคืบขยายดอกสี่วา เว้าโลดหน่าให้ท้องแม่นพองลมจนว่าตายจั่งเซาให้สมใจเขาโลด สมใจเนาะเขาโลด

#ซังคนเว้าพื้น #วิหคไผ่พนา