Գազարով բիսկվիթ/ անչափ փափուկ, համեղ ու նուրբ

Խմորի համար

6 ձու
1 բաժակ շաքարավազ (բաժակը 250 մլ)
300 գ մանր քերիչով երած գազար
1 բաժակ ալյուր
1 թեյի գդալ փխրեցուցիչ (ոչ լիքը)
համեմունքներից ես օգտագործել եմ դարչին, կարող եք նաև ավելացնել մշկընկույզ (շատ քիչ, դանակին ծայրով) նաև հիլ (կրկին շատ քիչ)


Կրեմներ

եթե կրեմով տարբերակ եք նախընտրում, ապա

տարբերակ 1

Քամած թթվասեր + շաքարի փոշի՝ ըստ ճաշակի (այս տորթի համար կրեմը չպետք է թթվաշ համ ունենա); Կարող եք հարել հարիչով;
Կարող եք պատրաստել նաև ուղղակի պինդ թթվասերով՝ ավելացնելով շաքարի փոշի՝ ըստ ճաշակի։ առանց քամելու թթվասերի դեպքում հարիչով աշխատել խորհուրդ չէի տա, թթվասերը կարող է ջրիկանալ։

տարբերակ 2

100-150 գ սենյակայյին ջերմաաաստիճանի կարագը լավ հարում ենք ու ավելացնում կրկին սենյակային ջերմաստիճանի խտացրած կաթ 200-250 գ


Ուշադրություն
ԼՐԱՑՈՒՄ
Սիրելիներս, խմորը շատ նուրբ է ու դասական բիսկվիթի պես պահանջկոտ հատկապես, երբ թխում եք երեք շերտով։ Քանի որ շերտերը բարակ են ստացվում, էստեղ հատուկ ուշադրություն է պահանջում։
Հետևաբար, եթե էս ոլորտում շատ փորձ չունեք ինքնուրույն դասական բիսկվիթի պես Ձեր ջեռովի կարգավորումները ճիշտ անելու ու խմորի ճիշտ խտությունը ստանալու ( երեք շերտով թխելու տարբերակում դա ավելի կարևոր է, նշած մյուս երկու դեպքում, երբ թխում ենք մեկ շերտով, դա խիստ էական չի), առաջարկում եմ խմորի մեջ շաքարի քանակն ավելացնել կես բաժակով, մի քանի ժ գդալով ավելացնել նաև ալյուրի քանակը։ Կամ ուղղակի, եթե դա դժվար եք համարում, թխել մեկ շերտով ու հետո բաժանեք շերտերի։ Սա կստացվի առանց խնդիրների