美高梅酒店 自助餐環境有幾好 撳入嚟行個圈就睇到 | 深圳小梅沙 MGM 攻略

今次介紹呢間 MGM 酒店嘅 buffet，入住當日係試業狀態，所以食品種類未必好多。呢條片主要係向大家展示餐廳環境同埋氣氛。

首先係大家都好關心嘅海鮮檔，冇生蠔，得啲貝殼同埋蝦蟹，唔係好大隻。沙律都係得啲基本嘢，選擇唔多。芝士同煙肉檔就算多選擇，肯定多過本地品牌嘅五星酒店。有壽司食，但係唔係太吸引。

麵檔肉類主要係得牛丸同埋魚肉丸。中式熱盤有六款，都係啲炒牛肉、豬肉、雜菜嗰啲嘢。蒸點心都係啲會食飽肚嘅包，蝦餃燒賣欠奉。我哋去嗰陣端午節有迷你糭食，都幾好食。

湯水部早餐係食粥同豆漿，夜晚就中西湯各一。個汽水櫃早上係鎖住，夜晚就任攞。西式熱盤有幾款，三款pizza，再加啲炆牛尾啊，意粉咁。西式冷盤、炸物都算有選擇。

其實最值得食嘅就係佢嘅甜品同麵包部。美高梅獅子型朱古力都有流心餡，每種顏色都唔同味道，如果你鍾意食朱古力一定要留位試晒佢哋。

我一向好少喺自助餐食麵包咁笨，但係呢度嘅麵包真係好靚。忍唔住試咗兩款，中環五星酒店級別，後悔冇留多啲肚食。

進餐環境幾好，啲枱擺得闊落，坐得舒服。

🔗 如果你都想試吓呢間酒店嘅自助餐，記得撳以下連結訂房啦！

https://www.trip.com/t/0QJp0uCmvU1

#深圳美高梅 #自助餐 #酒店推薦 #旅遊攻略 #美食分享 #深圳旅遊 #酒店自助餐 #餐廳環境 #自助餐體驗 #甜品推薦 #美高梅酒店 #深圳美食 #旅遊體驗 #自助餐環境 #豪華自助餐 #深圳攻略