Şah ismail Cəmiyyəti

شاه اسماعیل اوَّل جمعیتی
ŞAH İSMAİL ƏVVƏL CƏMİYYƏTİ
Bu cəmiyyət səltənət (padşahlıq) tələbində olan vətəndaşların, mütləqiyyət tərəfdarlarının, padşahpərəstlərin təşkilatıdır. İki cür şahlıq quruluşu, səltənəti vardır. Biri, səltənəti mütləqə adlanır, ikincisi isə səltənəti məşrutə. Bu cəmiyyət bunların birincisi növünə aiddir. Cəmiyyət üzvlərinin niyyəti ölkənin dövlət quruluşunun dəyişdirilib məliki nizam şəklinə salmaqdır. Başqa sözlə cəmiyyət hökmü-məliki nizamının tərəfdarlarıdır. Bu cür quruluşlu məmləkətdə padşah tam bir şəkildə hökm sahibi olacaq. Cəmiyyət bunun tələbindədir. Əsla, məşrutəli (konstitusiyalı) şahlıq quruluşu tərəfdarı deyil. Arzusu və amalı Cənubi Qafqazda böyük, qüvvətli və müstəqil şahlıq quruluşlu bir dövlət yaratmaqdır. Bu geniş ərazili dövlət özündə padşahın tabeçiliyində olan xanlıqlardan (Bakı, Quba, Talış, Şirvan, Gəncə, Şəki, Naxçıvan, Dərbənd, İrəvan kimi) təşkil olunacaq. Xanları şah özü tə’yin edəcək və onlar onun tam əmrində olacaqlar. Cəmiyyəti, əsla, Səfəvilər dövlətini bərpa etmək və ya Səfəvi sülaləsini hakimiyyətə gətirmək məqsədini güdmür. Təşkilata Şah İsmail Ərdəbilinin adını verilməsi, yalnızca, ulu hökmdara, sufi padşahına hörmət göstərmək üçün edilib. Cəmiyyət, bu dövləti və xanlıqları yaratmaq, bərqərar etmək arzusunda olanda buna nail olmaq üçün, əsla, güc, zor və hərb tətbiq etmək fikrində deyil ki, sırf sülh yolu ilə, əhali arasında təbliğat aparmaqla, bu amala çatmağı qəsd edir. Cəmiyyət 2017-ci ildə Bakı şəhərində tə’sis olunmuşdur.