Жетісу облысы биыл еліміздегі ең қарқынды дамып жатқан өңірлердің біріне айналды

Жетісу облысы биыл еліміздегі ең қарқынды дамып жатқан өңірлердің біріне айналды. Экономикалық өсім жоғары, инвестиция көлемі артқан, инфрақұрылым мен әлеуметтік салаларда да айтарлықтай өзгеріс бар. Бұл туралы өңір басшысы Бейбіт Исабаев Астанада өткен әкім есебі кезінде мәлімдеді.
Жетісуда биыл барлық негізгі салаларда тұрақты өсім байқалады. Инвестиция тарту қарқыны күшейіп, жаңа жұмыс орындары ашылған. Орташа жалақы өсіп, жұмыссыздық төмендеген. Өңірде жол жөндеу, әлеуметтік нысандар салу және тұрғын үй құрылысы жоспарлы түрде жүзеге асып жатыр.
БЕЙБІТ ИСАБАЕВ, Жетісу облысының әкімі:
Республикалық маңызы бар «Талдықорған-Үшарал» және «Үшарал-Достық» жолдары толық жаңартылды. «Сарыөзек-Қорғас» бағытындағы жол биыл толық жөндеуден өтті.Нәтижесінде облыстағы республикалық маңызы бар жолдар 100% толығымен жөнделді. Облыстық маңызы бар жолдардың жақсы және қанағаттанарлық жағдайдағы үлесі 95%-ға жетті. Молалы айналмасынан Балқаш көліне дейінгі жолының құрылысын бітірдік.
Соңғы үш жылда көптеген ауылдың ішкі көшелері де ретке келтірілген. Тұрғын үй құрылысы да айтарлықтай өсіп, мыңдаған отбасы жаңа пәтерге көшкен.Білім беру мен денсаулық сақтау салаларында жаңа нысандар ашылып, ескілері жөнделді.Туризм – өңірдің ерекше назарындағы бағыт. Алакөл мен Балқаш жағалауында инфрақұрылым жаңарып, жаңа демалыс аймақтары салынып жатыр.
БЕЙБІТ ИСАБАЕВ, Жетісу облысының әкімі:
Облысымызға жыл сайын 2 миллионнан астам турист келеді.+ Балхаш көлінің жағалауына дейін су, электр желілері жол Лепсі станциясынан 18 шақырым тартылды. Ендігі мақсат жағалауды аббатандырып, демалыс аймақтарын салу.
Өңірде газдандыру жұмыстары да қарқын алған. Бұрын газ мүлде жетпеген аудандарға құбыр тартылып, жүзден аса елді мекен көгілдір отынға қосылды. Алдағы жылдары аймақтың басым бөлігі толық газбен қамтылмақ. Ауыз су мәселесі де жүйелі шешімін табуда. Қазір облыстағы елді мекендердің басым бөлігі орталық су жүйесімен қамтылған. Жетісу облысы соңғы жылдары экономикадан бастап әлеуметтік салаға дейін жоғары қарқын көрсетіп отыр. Инфрақұрылым жаңарып, халықтың өмір сүру сапасы жақсарып келеді.



#Информбюро #31арна #БастыЖаңалықтар #Новости #31канал