الرادود حمزة الزغير الكربلائي ( رقم ٣٥ ) عودت زينب تزور حسينهه / مع الكلمات
Автор: سعيد فارس عباس المندلاوي
Загружено: 2025-07-13
Просмотров: 183
الرادود حمزة الزغير الكربلائي ( رقم ٣٥ )
قصيدة لطم
المستهل :
عودت زينب تزور حسينهه
هذا راسه تگول جثته وينهه
ب ١
و الروايه سود وياهه تلوح
و العليل مهبط الراس و ينوح
و اليتامه تنتحب من غير روح
و ناحت وحوش الفله عله حنينهه
ب ٢
تصيح ياللي نازلين بكربله
هل حصل مشفج لٱخويه غسله
لو بگه مطروح لوحوش الفله
مهجة الزهره و گريرة عينهه
ب ٣
و نور عين المرتضى راعي الباس
يصير جثته تندفن من غير راس
يالعلي و الله شهضيمه يهالناس
تندفن و عظامهه مهشمينهه
ب ٤
فوگ گبر حسينهه زينب هوت
نادته و ضلوعهه عليه ٱنحنت
مخدراتك ليك يمرتب لفت
و الاطفال الچانت ميسرينهه
ب ٥
آه ريت الدهر يجمعلي شمل
بيك يا خويه و أشوفنك عدل
چنت ٱراويلك متوني يا نفل
بالسياط ٱعداكم مورمينهه
ب ٦
من طحت غارت عله خيمنه السرب
و ٱحرگوهه بنار يا ليث العرب
و يسروهه لاچن بشتم و ضرب
و بالحبال متونهه مگيدينهه
ب ٧
خويه لمن سره الحادي بالعيال
و روسكم برماح جدام الاطفال
شفنه جثتك يا شهيد عله الرمال
موزعه و معفره مخلينهه
ب ٨
من عله الناگه هويت عله الجسم
ردت ٱودعك و منعوني يا شهم
وخروني لاچن بضرب و شتم
و نوگ هاي زنودهه مگيدينهه
للشاعر المرحوم الشيخ عبد الكريم ابو محفوظ الكربلائي
Доступные форматы для скачивания:
Скачать видео mp4
-
Информация по загрузке:
