الحلقة الثانية - قصة طالب كلية الهندسة في جامعة بغداد الذي تحول الى عميل سري

دعم قناة حديث عراقي بتبرعك عن طريق هذا الرابط:
https://buymeacoffee.com/iraqitalk.yo...
للاتصال بقناة حديث عراقي يمكنكم المراسلة عن طريق البريد الالكتروني التالي: [email protected]

من طالب كلية الهندسة الى عميل سري
قبل شهرين وصلتنه عن طريق ايميل قناة حديث عراقي الظاهر كدامكم تحت الشاشة وصلتنه قصة من شخص اسمه حيدر قاسم .. طبعا قصة غريبة ولكن مانشرناها مباشرة لانه قناتنه توصلها قصص كثيرة ماننشرها لانه هاي القصص ما تلائم قناة حديث عراقي مثلا قصص عن خلاف الاخوة على ارث ابوهم او ثارات عشائرية أو قصص عن ظلم وكع على اشخاص من نظام صدام ولكن بدون وثائق هاي المواضيع ما تهم متابعين حديث عراقي ... ولكن قصة حيدر قاسم لعد انا اتأكدنه من بعض التفاصيل اللي ذكرها نكدر ننشرها.. وهسه نعرض الكم مثل ماهي مع حذف بعض التفاصيل اللي ممكن تأذي ناس عايشين لحد اليوم :
اسمي حيدر قاسم اعيش بفلندا ... والدي كان قيادي بحزب البعث بالسبعينات ولكن اتوفى بحادث سيارة على طريق الكوت . احنه جنا ولازلنا نعتقد انه الحادث مدبر لانه بنهاية السبعينات كامت تصير حوادث سيارات غريبة وراح ضحيتها قياديين كبار بحزب البعث حتى ابن احمد حسن البكر اللي اسمه محمد همين اتوفه بحادث سيارة وهواية ناس يظنون انه صدام وجماعته هم اللي مدبرين هاي الحوادث حتى يتخلصون من اللي مو على هواهم.
صرنه يتامى اني واختي وره ما اتوفه والدي ولكن والدتي اللي جانت مدرسة لغة عربية قررت ماتتزوج وبراتبها اللي تاخذه ربتنه وعملتنه ودخلتنه جامعات. اني دخلت كلية الهندسة واختي دخلت كلية الاداب.
من اني صغير اسمع امي تسولف ويه اقاربنه وتكول هذا ابن العوجة (تقصد صدام) هو اللي قتله ولكن ماجنت افهم كلامها لانه تخاف تحجي يمنه .. بذاك الوكت الاباء والامهات مايحجون على صدام امام اطفالهم لانه اذا الطفل راح للمدرسة وكال ابوية او امي يكرهون صدام او يشتمونه مصير العائلة كله يصير بالمجهول لانه مدير المدرسة او المدرسين بيهم بعثيين ويكتبون تقارير وهاي التقارير ممكن تكسر ركاب.
لما كبرت شوية عرفت من والدتي انه صدام وزبانيتنه هم اللي قتلو والدي ولهذا كرهت صدام ونظامه مو فقط لانه قتل والدي ولكن دخل العراق بازمات وحروب مالها داعي. قبل ما يغزو صدام الكويت جانت حالتنه المادية جيدة لانه والدتي راتبها يكفي وايضا ناخذ راتب تقاعدي لانه الدولة اعتبرته متقاعد . ولكن وره غزو الكويت دخل العراق بحصار اقتصادي وحالتنه المادية. امي كامت تبيع ذهبها حتى تعيشنه لانه راتبها وراتب ابوية التقاعدي ماصار مايكفي طبقة بيض. كدرت امي اللي اتوفت المرحومة دبر مبالغ من بعض الاقارب وايضا لما جدي اتوفه اخذت شوية ورث يعني بالكوه عايشين احيانا تمر علينه ايام اسوبع كامل ناكل بيذنجان لانه جان رخيض بذاك الوكت.
دخلت الجامعة وانقبلت بقسم الهندسة المدنية بجامعة بغداد اللي صايرة بالجادرية .. جانت حالتي المادية تعبانه كلش .. جنت اشوف اولاد المسئولين واولاد التجار شلون مرتاحين واني حالتي المادية شكد تعبانه واكول بنفسي لو والدي عايش احتمال اصير وياهم لانه ذولة مجانو يختلطون بالطلبة اللي حالتهم المادية تعبانة مثلي. اما اني جنت اختلط ويه ما نسميهم بذاك الوكت طلاب المحافظات ذولة جانو فقره مثلي عايشين باقسام داخلية تعبانه

#بغداد #صدام_حسين #العراق #الخليج #الكويت #كردستان #اربيل #البصرة #الناصرية #الاردن #الموصل #العمارة#بغداد #صدامحسين #اكسبلور #news #العراق #دويتو #الموصل #قصص #تيك_توك#صدامحسين #اكسبلور #بغداد #قصص #صدام_حسين #مصر #الاردن #عُمان #تركيا #تركيا_اسطنبول#اكسبلور #العراق #تيك_توك #البصرة #الموصل #دويتو #ترند #بغداد#كوردستان #اربيل#عدي_صدام_حسين #جواسيس #المخابرات