Edicioni i Lajmeve Tv Klan 26 Dhjetor 2025, ora

Lajme, #edicioniinformativ ora 19:30, 26 dhjetor 2025 #TvKlan #klanlajme

Spiker: Reis Çiço

Headlines

ERE mban të pandryshuar çmimin e energjisë për konsumatorët familjarë deri më 31 dhjetor 2026
Çmimi i energjisë për qytetarët dhe bizneset e vogla nuk do të ndryshojë në vitin 2026, pasi ERE ka vendosur të mbajë të njëjtat tarifa për furnizimin e konsumatorëve fundorë. I pandryshuar mbetet edhe çmimi për karikimin e makinave elektrike.

Qeveria vendos filtra të rinj për investimet e huaja në sektorët kritikë, përfshihet edhe media
Ministria e Ekonomisë ka hedhur për konsultim publik një rregullore të re, e cila përcakton filtra shtesë për investimet e huaja në sektorët kritikë për sigurinë kombëtare. Ky dokument përfshin edhe investimet në fushën e medias.

Tre vjet për të ndërtuar një rrethrrotullim. Nyja Porcelan–Kinostudio, rrezik për qytetarët
Tre vite pasi kanë nisur punimet, rrethrrotullimi që lidh rrugën e Kinostudios me atë të Porcelanit mbetet ende vetëm një ide. Situata në këtë nyje është bërë e vështirë, duke u kthyer në një rrezik të përhershëm si për automjetet, ashtu edhe për këmbësorët.

Berisha: Në janar nisim betejën tonë deri në fitore, do ta zëmë sheshin çdo natë
Kryetari i Partisë Demokratike, Sali Berisha, thotë se në janar opozita do të nisë betejën e saj deri në fitore. Nga Manza, ku vijoi takimet e tij me demokratët, ai paralajmëroi se revolta qytetare do të zbresë çdo ditë në shesh deri në largimin e Edi Ramës.

Nis dëbora në zonat malore, viti mbyllet me temperatura deri në minus 7 gradë
Zonat malore të juglindjes u mbuluan këtë të premte nga dëbora, duke u shoqëruar me ulje të ndjeshme të temperaturave. Meteorologët parashikojnë që në ditët në vijim termometri në zonat e thella të zbresë deri në minus 7 gradë.

Serbia rikthen shërbimin e detyrueshëm ushtarak, angazhimi i të rinjve në ushtri do të paguhet
Serbia parashikon të rikthejë shërbimin e detyrueshëm ushtarak për burrat e moshës 18 deri në 30 vjeç, ndërsa për gratë do të mbetet vullnetar. Ndryshe nga më parë, angazhimi i tyre në ushtri do të paguhet.

Silvinjo: Short i vështirë, por jemi mësuar me sfida. Polonia në rindërtim
Trajneri Silvinjo pranon se shorti i plej-ofit është i vështirë për Shqipërinë, por thotë se skuadra është mësuar me përballje të forta. Ai thekson se avantazhi i Shqipërisë lidhet me faktin se ka një ekip në përmirësim, ndërsa Polonia ndodhet në fazë rindërtimi.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/