Top Channel/ Parashikimi për vitin 2026, shamanët peruanë shikojnë në të ardhmen tensione dhe sfida

Një grup shamanësh u mblodhën buzë detit në lagjen Miraflores të kryeqytetit peruan, Lima, për të zhvilluar ritualin e tyre tradicional të fundvitit, ku bëjnë parashikime për vitin që vjen.



Të veshur me ponço dhe mbulesa tradicionale shamanët kryen ceremoninë rituale dhe dhanë parashikime për marrëdhëniet ndërkombëtare, konfliktet globale dhe fatin e disa liderëve botërorë.

Sipas tyre, Presidenti i Venezuelës, Nicolás Maduro, do të largohet nga pushteti, ndërsa luftërat dhe tensionet ndërkombëtare do të vijojnë edhe gjatë vitit të ardhshëm.



Shamanët shtuan se lufta në Ukrainë dhe përplasjet e tjera globale do të vazhdojnë, ndërsa paqja mbetet ende e brishtë.

Ata u lutën gjithashtu për fundin e luftës mes Rusisë dhe Ukrainës dhe për paqe në Lindjen e Mesme. Grupi ka pasur një histori të përzier parashikimesh.

Vitin e kaluar, ata paralajmëruan një “luftë bërthamore” mes Izraelit dhe Gazës, ndonëse aktualisht atje është në fuqi një armëpushim.

Megjithatë, në dhjetor të vitit 2023, shamanët parashikuan saktë se ish-presidenti peruan Alberto Fujimori do të ndërronte jetë brenda një viti gjë që ndodhi në shtator 2024.

Para ceremonisë, shamanët konsumuan pije haluçinogjene tradicionaletë cilat, sipas besimit të tyre, u japin aftësinë për të parë të ardhmen.

Në plazhin La Herradura, ata vendosën batanije me lule të verdha, gjethe koka, shpata dhe objekte simbolike, duke kërkuar energji pozitive për vitin e ri.

Përveç zhvillimeve politike, shamanët paralajmëruan edhe fatkeqësi natyrore, si tërmete dhe fenomene ekstreme klimatike, duke theksuar se viti i ri do të jetë një periudhë sfiduese për botën.

Pamjet: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopChannelNews