ኢማሙል አልባኒ ከ ኡዝር ቢል ጀህል ተራጁእ አድርገዋል፣ ኢብኑ ሙነወር ውሀ በላው!

ኢብኑ ሙነወር፣ የዛሬ 2 አመት ገደማ፣ ፌስቡኩ ላይ፣ "ኢማሙል አልባኒን ተሳስተዋል ካላችሁ፣ እኔም ሸይኽ ሷሊሕ አልፈውዛንን ተሳስተዋል እላለሁ" ብሎ ነበር። ደስ የሚለው ነገር ግን፣ ኢማሙል አልባኒም መጨረሻ ላይ ለሙሽሪክ ኡዝር እንደማይሰጡና በፊት ከነበሩበትም አመለካከት ተውበት አድርገው ወደ ትክክለኛው አመለካከት እንደተመለሱ ተናግረዋል። ስለዚህ ኢብኑ ሙነወር ያቀረበው መረጃ ተቀባይነት የለውም ማለት ነው። ታላላቆቹ አሊሞች ከተሳሳተው አቋማቸው ላይ ከተመለሱ፣ እኛስ ለምን ትክክለኛውን መንገድ፣ የኡለማዎችን መንገድ አንከተልም?

Ibnu Munewor facebook እንድህ ይላል፦
በዑዝር ቢልጀህል ጉዳይ ሚዛን መጠበቅ ያስፈልጋል
~
አላዋቂ ሰው ከኢስላም የሚያስወጣ ጥፋት ቢፈፅም "ከኢስላም ወጥቷል ተብሎ ይበየንበታል ወይስ ባለማወቁ ይታለፋል?" የሚለው ጉዳይ ንትርክ ያለበት ርእስ ነው። ትክክለኛውን አቋም መለየት እንዳለ ሆኖ በጉዳዩ ላይ ሁለት #ጫፍ የወጡ አቋሞች ይስተዋላሉ።
1ኛው ጫፍ፦ "ዑዝር የለም" የሚሉ ሰዎችን በተክ^ፊርነት ወይም በኸዋ ሪጅነት መፈረጅ ነው። ይሄ ስህተት ነው። ከዑለማዎች ውስጥ "ዑዝር የለም" ያሉ እንዳሉ የሚታወቅ ነው። ይህንን ርእስ በማራገብ የሚታወቁት በብዛት የጥመት አንጃዎች ሆነው ስላየን ብቻ በደፈናው ዑዝር የማይሰጡ አካላትን ሁሉ በኸዋ ሪጅነት ከመፈረጅ መጠንቀቅ ይገባል።
2ኛው ጫፍ:- "ዑዝር መስጠት ይገባል፣ አላዋቂን ማክ^ ፈር አይገባም" የሚሉትን በሙርጂአነት የሚፈርጁ ከዚህም አልፎ ከኢስላም የሚያስወጡ ናቸው። ይህም የለየለት ፅንፈኝነት ነው።
በኢስላም ታሪክ ከጥንት እስከ ዛሬ ዑዝር የሚሰጡ ዓሊሞች አንድና ሁለት አይደሉም። ዑዝር መስጠትን የሚደግፉ ማስረጃዎችም ብዙ ናቸው። ሐቁ ያለውም እዚህ ላይ ነው። "ዑዝር የለም" የሚለው አቋም ጥቅል መረጃዎችን ያላግባብ የሚመነዝር፣ መረጃዎችን ያለ አውዳቸው የሚያውል፣ ከሙግቱ ውጭ ያሉ መረጃዎችን ያላግባብ የሚያዛምድ ነው። በዚያ ላይ በመረጣ የሚፈፀም እንጂ በወጥነት የሚተገበር አይደለም። "ዑዝር የለም" የሚሉ አካላት ይህንን አቋማቸውን ወጥ በሆነ መልኩ ቢተገብሩት ኖሮ የሚያጣቅሱት ዓሊም አያገኙም ነበር። ምክንያቱም ዑዝር የሰጧቸው አካላት በተጨባጭ አሉና።
መዝዘንጋት የሌለበት ነጥብ የዑዝር ቢልጀህል ጉዳይ ልክ እንደ ሌሎች የኢጅቲሃድ ርእሶች መሆኑ ነው። ዑለማእ የተለያየ ሃሳቦችን የሰነዘሩባቸውን ሌሎች ርእሰ ጉዳዮችን በልክ እንደምንይዘው ይህንን በልክ መያዝ ይገባል። በሌሎች ጉዳዮች ላይ የቁርኣንና የሐዲሥ ማስረጃዎችን እያገናዘብን ሚዛን የሚደፋውን ለመምረጥ እንደምንጥረው ሁሉ ዑዝር ቢልጀህል ላይም ተመሳሳይ አካሄድ እንሄዳለን። በሌሎች የኢጅቲሃድ ርእሶች ላይ የአንድ ዓሊም ንግግር በተለየ እንደ ወሕይ እንደማይወሰደው በዑዝር ቢልጀህል ላይም እንደ ወሕይ ተወስዶ በሌሎች ዓሊሞች ንግግሮች ላይ ዳኛ የሚሆን የዓሊም ንግግር የለም።
ይህንን የማነሳው በዚህ ጉዳይ ላይ የሸይኽ ፈውዛንን ንግግር በተለየ በማራገብ ሌሎችን በኢር ጃእ ለመወንጀል፣ አለፍ ሲልም ከኢስላም ለማስወጣት የሚጠቀሙ ሰዎችን ስለማይ ነው። ወንድሜ በአልባኒ ማስፈራራት እንደማይቻለው ሁሉ በፈውዛን ማስፈራራትም አይቻልም። የፈውዛን ወይም የኢብኑ ባዝ ንግግር ከኢብኑ ተይሚያ፣ ከአልባኒ ወይም ከኢብኑ ዑሠይሚን ንግግር በተለየ እንደ ወሕይ የሚቆጠርበት ሚዛን የለም። የሁሉም ንግግር የዑለማእ ንግግር ነው። ከማስረጃ ጋር የሚገጥመውን ከመውሰድ ባሻገር አንዱ መዛኝ ሌላው ተመዛኝ የሚሆንበት መመዘኛ የለም። በቃ አንተ የአልባኒ አቋም ስህተት ነው ለማለት አይሰቀጥጥህም አይደል? እኔም በዚህ ጉዳይ ላይ የፈውዛን አቋም ስህተት ነው ለማለት ቅንጣት አይሰቀጥጠኝም። እንጥፍጣፊ ሚዛናዊነት ካለህ በዚህ ውስጥ ክስና ጩኸት የሚያስነሳ ነገር የለም።
የችግሩ አስኳል ጉዳዩ ዑለማእ የተለያየ ሃሳብ የሰነዘሩበት ጉዳይ መሆኑን መዘንጋት ላይ ነው። ይህንን ነጥብ በሚገባ የተነገዘበ ሰው ልክ ነው ብሎ የሚያምንበትን ነጥብ ከመውሰድ አልፎ ፍረጃ ውስጥ ገብቶ ራሱን አደጋ ላይ አይጥልም። የሚያደረገው ልክ በሌሎች የኢጅቲሃድ ርእሶች ላይ እንደሚያደርገው ጉዳዩን ከስሜት ነፃ ሆኖ በመመርመር ሚዛን የሚደፋውን መለየትና የገባውን ማስረዳት ብቻ ነው።
Ibnu Munewor