(✨جديد وحصري✨) كلمات : محمد ال درعه اداء : حمد ال طويل

الكلمات :

ودي اسجل عقب طول الصمت والغيبه حضور
مدام راس الفكر شاش وكيف الابداع يغلي

صبولي الفنجال الاول وازهلو باقي الامور
وان برت ف الفنجال الاول صبته ماهيب لي

علي اجيب الشرد اللي تطلق لسان الغرور
اللي تعرض شرهة الناقد تخاتيخ الخلي

عصمً تشيد مثل شياد العماير والقصور
ما حافها اللي ينحر الابداع ويعود خلي

يحوفها اللي لا غدا ل مصامخ الابداع دور
ياقف ويبتل سكة الابداع والمخرج ملي

قصيده احزام الرفيق الصامل اللي مايبور
وغم الضمير اللي من الغبنه يفيض ويمتلي

ويبشم لسان الشاعر اللي يشعر بلياء شعور
وتاصل حباله قاعة الجمه وناره تصتلي

وينفذ كمومه في لزوم الكفو ويعوم البحور
ياكيف ماينفذ كمومه في لزومك ياعلي

اشره علي لا جاك من صوبي ردا ولا قصور
لا جاك من صوبي ردا ولا قصور اشره علي

انا حفيد الشايب اللي ينطح البندق تثور
منيب هلباجً يزهد بي وينشاف ازملي

الى ضربت اضرب ومضرابي ماهو يخطي النحور
والى زعلت ازعل ويدرون الريجيل ازعلي

منيب من يحرص النمه ونباش القبور
يرفع مقامي سلمي الطيب ويحفظ منزلي

واللي على الطيب علي لو ضاقت وساع الصدور
لو ضاقت وساع الصدور اللي على الطيب علي

الى مدحت امدح زبون المعضله وافي الشبور
صميدعً راسه على الامجاد يطبخ ويغلي

يقطف حصيل المرجله وعيونها قطف الزهور
ويجذب مبادي كل مجدً ينطرا جذب الدلي

ويقلط مقاليط الدهاه وله معا الاشوار شور
لا ضاعت الارياء وبان اللي لسانه فيصلي

وملاذ عين اللي لحقه من السنين العوج جور
اللي غدت دنياه في عينه كبر عين الطلي

حمد ابن مشعاب لا قالو من السيف البتور
اللي يعدي من جباه ويردع الخصم الشلي

ماكني الا اسمع صداه يقول بالصوت الجهور
انا زبون المعضله وانا ملاذ المبتلي

من ربعنا اللي في عيون الشاهم تذر الذرور
وتنطح شباء المفتوق وتكرم سبال الهشلي

ربوعنا الهادي ابن زايد عريبين السرور
ذخاير الهيجاء ومقباس الحفيف المقبلي

الاد غفر اللي ماتنحر كون نادر ومخبور
اللي على وجه الثراء ميقافها ماله حلي

تمن سلاجم للحي اطوال الخطاء قعس الظهور
وفي ضفهم تسهج ديار القوم لا طاح الوالي

ضياغمً امجادهم تكتب على صم الصخور
وتاريخهم يطلق لسان الشعر من فضل الولي