فك شفرة وسر نجاح شهبندر التجار ورائد الصناعة الإنسان محمود العربي

فك شفرة وسر نجاح شهبندر التجار ورائد الصناعة الإنسان محمود العربي
شوف قصص نجاح اكتر من خلال سلسلة كانوا هنا
   • قصص محفزة - سلسلة  كانوا هنا  

شوف كمان سلسلة المال من هنا
   • المال  

مصادر الحلقة
كتاب سر حياتي - حكاية العربي | إعداد وصياغة خالد صالح مصطفي
محمود العربي - ويكيبيديا
https://ar.wikipedia.org/wiki/%D9%85%...

في ٩ سبتمبر 2021 توفي رجل الاعمال محمود العربي صاحب امبراطورية العربي الشهيرة واللقطات اللي انت شايفها دي من جنازته واللي بتعبر عن مقدار حب الناس ليه وتقديرهم لانسانيته وفعله للخير قبل تقديرهم لنجاحاته.

محمود العربي اتولد ١٥ ابريل سنة ١٩٣٢ في قرية ابو رقبة مركز اشمون التابع لمحافظة المنوفية، وكان والده بيعمل في الزراعة وفي سن ٣ سنين الحقه بكتاب القرية، وبسبب الظروف المادية لم تتاح له فرصة الالتحاق بالمدارس والتعليم.

لكن محمود كان بيهوي التجارة من صغره ويقال انه بدا اول استثمار ليه و ٣٠ قرش تقريبا اشتري بيهم بلالين وبمب وباعهم للاطفال في العيد وحقق منهم ١٠ قروش مكسب وبدا يكرر الفكرة دي في كل عيد لمدة ٤ سنوات.

ولما كمل ١٠ سنين سافر مع اخوه علي القاهرة وبدا اول عمل ليه في ورشة تصنيع عطور لكنه مستمرش فيها لاكتر من شهر علشان كان حابب العمل في التجارة، علشان يشتغل بعد كدا في محل عم رزق واللي كان بيبيع خردوات ولعب اطفال وأدوات مكتبية.
وهناك اتعلم اول واهم قاعدة في التجارة وهو اكسب قليل وبيع كتير.
وبيحكي عن تجربة اول شغل ليه وبيقول، ان ذباين عم رزق كانوا كتار جدا بسبب اسعاره لكنه كان سيئ في تعامله مع الناس ولما جيت انا بدات اتعامل مع الناس بطريقة مختلفة.

حماس البدايات كان مخلي محمود العربي يشتغل بايده واسنانه زي مابيقولوا فكان شايل تجارة المحل كله علي اكتافه لدرجة انه فيوم من ايام المواسم فضل سهران لتاني يوم يبيع للناس ومرديش يقفل لدرجة انه عمل ايراد كبير جدا وقتها حوالي ٤٠ جنيه واللي يعادل دلوقت حوالي ٦٠ الف تقريبا.

لكن العربي اتضايق جدا من موقف عم رزق اللي مكنش فيه اي تقدير لمجهوده لما جاله تاني يوم وعد الفلوس واكتفي بس انه يقولوا روح ريحلك ساعتين علشان تلحق تيجي بالليل. فقرر انه يمشي ومايرجعلوش تاني.

علشان يروح يشتغل بعد كدا في محل النصر للبيع بالجملة ويستمر فيه لمدة ١٥ سنة تقريبا حتي اثناء خدمته في الجيش كان بيشتغل في محل النصر في الاجازات.

وبعد خروجه من الجيش سنة ٨ سيطرت عليه فكرت ان الوظيفة من الصعب تامن حياته وهو واسرته وبدا يحلم بامتلاكه مشروعه الخاص وفي الفترة دي اتعرف علي صديق عمره عنتر واللي كان بيشتغل معاه في شركة نصر وعنتر كان بيلف المحافظات لعرض البضاعة علي التجار.

عنتر كان بيشارك العربي حلمه في انهم يمتلكوا محلهم الخاص، و فضلوا هما الاثنين يحلموا لمدة ٦ سنين كامل لغاية واحلمهم بقي حقيقة سنة ١٩٦٤ بتاسيس محل العربي للتجارة، بمساعدة وشراكة ٢ اخرين هما براس المال وعنتر والعربي بالإدارة والمجهود.

محل العربي اتولد كبير لدرجة انه حقق رقم قياسي في المبيعات في الافتتاح وكان حوالي ١٣٠٠ جنيه.

ودا بفضل النصيحة الذهبية في التسعير اللي اتبعها العربي من عم رزق وهي اكسب قليل وبيع كتير بالاضافة طبعا لسمعة محمود وعنتر اللي اكتسبوها بسبب امانتهم واخلاقهم طوال فترة عملهم بالموسكي.

لكن يبدو ان القدر كان مجهز اختبار قاسي لمحمود العربي لما تعب صديقه عنتر من يوم الافتتاح ولمدة سنتين كاملين ميقدرش يكون متواجد فيهم لكن محمود كان بيقوم بالشغل لوحده دون اي تذمر وكان بيوصل لعنتر نصيبه دايما لغاية ماتوفي عنتر وبدا الشركاء يطلبوا من العربي انه يخرج اولاد عنتر من الشراكة لكنه رفض بشدة وبدا الخلاف بينهم.
وينتهي بان محمود ياخد محل اكبر بكتير ويسبلهم المحل القديم، وتستمر شراكة العربي مع اولاد عنتر لغاية مايكبروا ويطلبوا بنفسهم بيع نصيبهم وفض الشراكة.

علشان ينجح العربي في اختبار القدر ويبان معدنه الاصيل.

ويبدا العربي بعدها بالتعامل مع السوق ويتطور بتطوره فمثلا لما بدا الاستيراد يتوقف بدا هو يصنع الوان الشمع وعملها حملة اعلانية علي التلفزيون وغرق بيها مصر كلها، وبعدها انشأ مصنع لتصنيع الادوات الهندسية زي البرجل.

ولما السوق اتغير تاني وبقي في اتجاه نحو استيراد التلفزيونات والمراوح والاجهزة الكهربائية بدا العربية يطور تجارته وحولها لتجارة الاجهزة.

علشان بعد كدا يجي اندو وهو مندوب لشركة توشيبا اليبانية لمصر يدور علي وكيل حصري وميلقيش افضل من العربي علشان يشرحه لليابانيين واللي قرروا ينزلوا في زيارة مفاجأة سنة 1974 ويقرروا ان العربي ماينفعش يكون وكيل ليهم علشان لما دخلوا الشركة لقوا رجل بسيط قاعد في وسط العمال والموظفين ومفيش بقي مكاتب والجو دا.

لو متعرفش برنامج #فكرة_الصبح حابب اقولك انه برنامج خفيف بيقدملك افكار مهمة جدا هتساعدك في تغيير حياتك للافضل.
ومتنساش شعارنا "اليوم افضل من الامس وغدا سيكون الافضل"

تابعني علي انستجرام
  / fekraelsob7  
تابعني علي فيس بوك
  / fekraelsob7  
صباحك فل واشوفك الحلقة الجاية و #فكرة_الصبح

Keywords
فكرة الصبح,نادي,تنمية ذاتية,تطوير الذات,تلخيص كتب,دوباميكافين,محمود العربي صاحب توشيبا,محمود العربي وقصة نجاحه,محمود العربي ريهام عياد,محمود العربي مع منى الشاذلي,محمود العربي المخبر الاقتصادي,محمود العربي وحمدي قنديل,محمود العربي ومبارك,محمود العربي والسيسي,محمود العربي ومني الشاذلي,محمود العربي هل لك سر عند الله,قصة نجاح محمود العربى,قصة نجاح رجل اعمال,قصة نجاح من الصفر,قصص نجاح,قصص نجاح من الصفر,قصص نجاح بعد الفشل,قصص نجاح رجال اعمال,قصص نجاح ملهمة