OLS 2024. Mofert schutterij

Gister höbbe v'r deilgenómme aan ein sjoean OLS in Beekdaelen. Good georganiseerdj en eine fijne, neet te lange optoch mit väöl enthousiaste miense langs de kant. Dan löpse letterlijk wie op henj gedrage. Oppe beeldje van L1 zoog 't defilé d'r in idder geval prima oet.
Door eine angere opzit in 't tiedsjema móste oos keizers- en keuningspaar enne marketentsters al veur de optocht oettraeje en det is häör hieël good bevalle! Noe wore ze tenminste ouch geliek mitte res klaor óm nao de fieëstent te gaan. Oos sjötters begove zich daonao nao de boum. En zie sjote erg good, mit es resultaat, det veer kómmendje zaoterdig veur 't ieërs in langere tied weer truuk moge gaon óm te kavele.
Veer höbbe ouch inne optoch en inne biewedstrijde nag fijn prieze behaoltj. Helaas wore v'r mit laote neet zoea gelökkig, want anges wore de prieze nag baeter gewaes, mer ja, veer moge neet klage.
De behaoldje prieze wore es volg:
Bèste bäördjesdrager; Menno, 2de pries nao loting (100%).
Bèste commandant ; John, 20ste pries (89%)
Bèste defilé; 4de pries (92%)
Bèste houding optoch; 2de pries (93%)
Bèste tambour majoor; Carina, 3de pries nao laoting (92,5%)
Bèste vaandeldrager; 17de nao laoting (94%)
Mooiste gehieël; 1ste pries (100%)
Mooiste keuningin; Nancy, 5de pries nao laoting (97,5%)
Mooiste keuningspaar; Roy en Nancy, 14de pries nao laoting (93,5%)
Bèste marketentstergroep; 21ste pries
Mooiste keizerin; Lilian, 9de pries nao laoting (94,5%)
Mooiste keizerspaar; Fred en Lilian, 6de pries (90%)

Verder höbbe nag ein paar van oos dames leje deilgenómme aan de exercitie wedstrijd mit 't dames exercitie peloton en zie behaoldje eine sjoeane 2de pries.

Idderein bedank veur de inzit en alle pries winners proficiat!!
Trouwes, oos marketentsters staon vandaag nag sjoean inne Limburger mit ein foto en get extra reklaam veur Bekkerie Mans, wo ze altied vers stokbroead kinne haole. Bedank daoveur!

Wie gezag moge veer zaoterdig truuk gaon óm te probere d'n Um nao Mofert te haole.