BMW M350 - мадели нав ва таҳдиди суръат дар роҳ

BMW M350 бо муҳаррики шашсилиндраи се литрӣ сохта шудааст. Ин муҳаррик хеле қавӣ аст ва ҳоло тақрибан 417 қувваи асп медиҳад. Агар бо модели пешина муқоиса кунем, ин мошин аз сӣ то панҷоҳ қувваи бештар дорад. Ин фарқият дар роҳ ҳис карда мешавад: мошин тезтар суръат мегирад ва бештар ҳаяҷон мебахшад.

Ин BMW бо ду намуди кашиш пешниҳод мешавад: яке бо чархҳои қафо ва дигаре бо системаи пурраи чархҳо, яъне xDrive (иксдрайв) . Бо ин система мошин дар роҳҳои тар ва лағжанда низ устувор мемонад. Дар видеоҳое, ки аз санҷишҳо дар треки машҳури Нюрбургринг гирифта шудаанд, мо мебинем, ки M350 бо чор ихроҷ, чархҳои калон ва тормозҳои варзишӣ муҷаҳҳаз шудааст. Ин нишон медиҳад, ки мошин на танҳо барои роҳҳои оддӣ, балки барои рондани варзишӣ низ омода шудааст.

Истеҳсоли BMW M350 дар корхонаи Динголфинг, Олмон, аз моҳи ноябри соли 2026 оғоз мешавад. Дар бозор бошад, он ҳамчун модели соли 2027 пайдо хоҳад шуд. Дизайни беруна ва дохили мошин низ нав мешавад. Ширкат ба услуби муосир гузашт, ки онро “Neue Klasse” (Нею Класс) меноманд. Ин услуб бо хатҳои рост, намуди пок ва технологияи замонавӣ фарқ мекунад.

Ба фикри ман, BMW M350 як мошини хеле муваффақ мешавад. Чаро? Зеро он ҳам барои истифодаи ҳаррӯза мувофиқ аст ва ҳам метавонад эҳсоси мошини варзиширо диҳад. Шумо метавонед бо оила ё дӯстон ба сафар бароед, ва ҳамзамон агар хоҳед, суръати баланду ҳиссиёти трекро низ эҳсос кунед.