રવિવાર સ્પેશિયલ 🌹સીતાજી ની કંકોત્રી👇ram bhajan prakriyavoice

રવિવાર સ્પેશિયલ 🌹સીતાજી ની કંકોત્રી👇ram bhajan prakriyavoice



લખ્યા લગન ને લખી કંકોતરી
__🙏🌹💐🍁💐🌹🙏__
લખ્યા લગન ને લખી કંકોતરી
કાસદ જાય અવધપુરી માંય...
લેજો ને કંકોતરી...

રાજા જનક જી એ તમને તેડાવીયા
રાજા દશરથ ચતુર સુજાણા..
લેજો ને કંકોતરી...

રાજા જનક કેરી છે બેટડી
એનું સીતા સરીખું છે નામ..
લેજો ને કંકોતરી...

લીલે ઘોડે તે રામચંદ્ર આવશે
પાય લાગ્યા સખી રામદાસ...
ઢોલ વાગે ધ્રુસ્કે

ઢોલ વાગ્યા ત્રાંબાડું રે ગાજીયું
આવે અવધ નગર થી રે જાન..
ઢોલ વાગે ધ્રુસ્કે

મેં તો મનનો માંડવડો રોપાવીયો
તન ના તોરણ બાંધ્યા છે દ્વાર...
ઢોલ વાગે ધ્રુસ્કે

લીલા તોરણા બાંધ્યા છે તોડલે
ત્યાં કને માનુની મંગળ ગાય...
ઢોલ વાગે ધ્રુસ્કે

મેં તો જીવનની જાનુ જોતરાવીયું
સત ના જાનીડા તેડ્યાં છે ત્યાંય...
ઢોલ વાગે ધ્રુસ્કે

લીલે ઘોડે તે રામચંદ્ર આવશે
લીલે રંગે શોભે છે બજાર...
સીતા વર ના સામૈયા

રાજા દશરથ બેઠા છે પાલખીએ
રાજા જનક જી કરે છે પ્રણામ...
સીતા વર ના સામૈયા

હીરા ઝળક્યા સીતાજી ના હારમાં
રામે બાંધી કસુંબલ પાઘ...
સીતા વર ના સામૈયા

ત્યાં કને ત્રીકમજી તોરણે પધારીયા
શુભ સાસુજી પોંખવા ને જાય...
દીનાનાથ આવીયા

મેં તો કરુણા ની કીધી કંકાવટી
ચિત્ત ના ચોખલા ચોડ્યાં લલાટ...
દીનાનાથ આવીયા

ત્યાં કને રામચંદ્ર માયરે પધારીયા
ત્યાં કને માનુની મંગળ ગાય...
દીનાનાથ આવીયા

પછી ચત્રભુજ ચોરીયે પધારીયા
ત્યાં કને બ્રહ્માજી વેદ ભણાય....
દીનાનાથ આવીયા

પછી રામચંદ્ર બેઠા છે જમવાને
સતી સીતાજી પીરસે કંસાર...
દીનાનાથ આવીયા

આપ્યા પેટી પટારા ને કુંચીયું
આપ્યા ગરથ ભંડાર ને રાજ...
સીતાજી ચાલ્યા સાસરે

આપ્યા હાથી ઘોડા ને રથ પાલખી
આપી સોના શિંગડીએ સો ગાય...
સીતાજી ચાલ્યા સાસરે

આપ્યા થાળ ભરીને શગ મોતીડા
તેની શોભા તો વરણી ના જાય...
સીતાજી ચાલ્યા સાસરે

સર્વે સખીઓ આવીને ટોળે મળી
કોઈકે આપ્યા કંકુ કેરા ડાબ...
સીતાજી ચાલ્યા સાસરે

કેણેકે આપ્યા છે વાય ઢોરણ વીંઝણા
કેણેકે ચાંદલા આપ્યા છે બે ચાર...
સીતાજી ચાલ્યા સાસરે

સર્વે સખીઓ વળાવવા ને આવીયું
બેની રખે ઉતારશો મન...
સીતાજી ચાલ્યા સાસરે

બેની મૈયર તમારું છે ઢુકડું
નહી તો રહીએ તમારી પાસ...
સીતાજી ચાલ્યા સાસરે

જે કોઈ ગાય શીખે ને સાંભળે
એના હોજો શ્રી વૈકુંઠ વાસ..
સીતાજી ચાલ્યા સાસરે

જય શ્રી રામ
🙏

🌷🍁🌹🌷🍁🌹🌷🍁🌹🌷🍁🌹🌷🍁
#prakriyavice
#લખ્યાલગનનેલખીકંકોતરી
#સીતાજીનીકંકોત્રી
#શબરીબાઈનુંભજન
#ગણપતિનાભજન
#કૃષ્ણભજન
#શિવભજન
#રામભજન
#દ્વારકાધીશનાભજન
#ભક્તિગીત
#સત્સંગ
#ભજનસંતવાણી
#ભજન


Disclaimer :~Copyright Disclaimer Under Section 107 of the Copyright Act 1976, allowance is made for "fair use" for purposes such as criticism, comment, news reporting, teaching, scholarship, and research. Fair use is a use permitted by copyright statute that might otherwise be infringing. Non-profit, educational or personal use tips the balance in favor of fair use