Дилявер Чабанов / Diliaver Chabanov - Унутылмаз / Unutılmaz

УНУТЫЛМАЗ
1.
Мор гедже акъа, сонъсуз дерья олып,
Нур киби эне, беденинъни сарып.
Сачынъны орьте индже йипек гедже,
Мельэм киби ичем севгинъни.

Сен явашчыкътан къаранлыкъкъа синъдинъ,
Йылдызнынъ нуры, ярыкъ зия эдинъ.
Мор гедже сени гизлемеди менден,
Сакъланма козюмден, ред этме.

Багълама:

Унутылмаз
Сыджакъ сёзлер.
Бир дакъкъада асыл олды дигер алем.
Къаялардан ерге эне
Акси сада: «Сени севем, севем,
Мен севем!»

2.
Инсанлар ичюн севги
пек шубели ола,
Къарарны бильмек керек, деп пек
сакъына олар.
Бизлерни тутмаз
сёзлер ве сынъырлар,
Эки йылдыз олдыкъ, севемиз.

Багълама:

Унутылмаз
Сыджакъ сёзлер.
Бир дакъкъада асыл олды дигер алем.
Къаялардан ерге эне
Акси сада: «Сени севем, севем,
Мен севем!»

Мен севем…

Унутылмаз
Сыджакъ сёзлер.
Бир дакъкъада асыл олды дигер алем….


Унутылмаз….

Мен севем…