المفاصل و دعوات النزول و قياس الجهازية

مش حاعرف انام لو مقلتش كلمتين فى قلبى
بجد مش عارفة اسكت
سمعتوا عن حاجة اسمها #ثورةـالمفاصل
هو #خالد_السرتى بيعمل ايه هو و إلى معاه ؟
ازاى مصر تكون فى قلب النار و هو بيدعو الناس للخروج و عامل #ثورة الناس دى بتفكر ازاى ؟
بأى عقل ؟ الحروب فى الشرق الأوسط مشتعلة و بيعملوا قياس الجهازية و بيخرجوا الناس و بيعملوا مجموعات
الناس دى فاهمة هى بتعمل ايه و لا فقدت عقلها ؟
و الله أنا فى حالة صدمة دة الى خرجوا فى ثورة الغلابة من ٢٠١٨ لسة فى #المعتقل
دى #البلد كل حدودها مفتوحة و التهديدات من كل اتجاه
دة احنا كل يوم بنصحى خايفين على #مصر
#اللاجئين فى #اوروبا بيقولوا يارب #مصر تفضل بخير علشان يكون فى مكان آمن لاهالينا لو حصل حاجة
الناس دى مفيش حد يعقلهم؟!!!
اتقوا الله هو دة وقته 😡
و التانى المقنع تبع #الخط_الفاصل محدش عارف هو مين
بيخاطب النازل و ساحبهم معاه فى نزول و طلوع
لا حول و لا قوة إلا بالله
الوقت دة وقت صمت
الحفاظ على الامن الداخلى للبلد مهم دلوقتى
و مش دى أبدا الطريقة إلى ممكن بيها النظام يفرج عن المعتقلين بالعكس كل دعوة نزول قدامها الاف بيتقبض. عليهم
اتقوا الله البلد فى خطر