Еліміздің зейнетақы қорында жиналған қаражат 22 триллион теңгеден асты

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Ақтаудағы ұшақ апаты -    • Ақтаудағы ұшақ апаты  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  

Бүгінгі шығарылымда:
Еліміздің зейнетақы қорында жиналған қаражат 22 триллион теңгеден асты. Жыл басында нарықтағы құбылмалы жағдай зейнетақы жинақтарының табысына әсер еткенімен, сәуір айында тұрақталып қор қайтадан пайда әкеле бастады. Мамандар бұл құбылысты қалыпты деп бағалап отыр. Зейнетақы жинақтарының қазіргі ахуалы туралы толығырақ келесі материалда.
Биыл зейнетақы қорындағы жинақтардың инвестициялық табысы сәл төмендеген еді. Бұған нарықтағы тұрақсыздық, инфляция және теңге бағамының ауытқуы әсер етті. Дегенмен, алаңдауға негіз жоқ. Сәуірде қаржы нарығындағы жағдай біршама тұрақтанып, қорға табыс түсе бастады. Мәселен, айдың алғашқы аптасында Бірыңғай жинақтаушы зейнетақы қоры 400 миллиард теңге пайда тапқан.
НҰРЖАН НҰРҒАЗИН, ҚР Ұлттық банкі монетарлық операциялар департаменті директорының орынбасары:
«Валюталық портфель Американың мемлекеттік бағалы қағаздарына және де дамушы елдердің облигацияларына, акцияларға және де корпоративтік облигацияларға инвестицияланған. Бұл жерде акцияларға келетін болсақ мысалы акциялар құбылмалы болғанда облигациялар олардың тәуекелін азайтады»
Бүгінде зейнетақы қорында 22,3 триллион теңге жиналған. Бұл 2014 жылмен салыстырғанда 5 есеге көп көрсеткіш. Жинақтың 60 пайызы теңгемен, ал қалған 40 пайызы шетел валютасында сақталады. Теңгемен салынған қаржының басым бөлігі мемлекеттік бағалы қағаздарға салынған.
НҰРЖАН НҰРҒАЗИН, ҚР Ұлттық банкі монетарлық операциялар департаменті директорының орынбасары:
Бұл ұзақ мерзімді инвестициялық стратегияның тиімділігін көрсетеді. Және де қорытындылай келе Ұлттық банк зейнетақы активтерін тиімді әрі теңгерімді басқару арқылы салымшылардың жинақтарының сақталуы мен өсуін қамтамасыз етіп келеді.
Жалпы, зейнетақы жинағы қысқа емес, ұзақ мерзімді инвестиция. Соның арқасында соңғы бір жылдың ішінде 2,4 триллион теңге көлемінде табыс түскен. Бұл көрсеткіш инфляция деңгейінен 12 пайызға жоғары. Ұлттық банк бұл қаржыны әрі қарай да тиімді жобаларға инвестициялау арқылы халықтың жинағын еселеуді жалғастырмақ.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық