Klan News - 18 protestues të arrestuar, procedohen deputetë të PD

Policia e Tiranës ka proceduar 37 persona të cilët hodhën molotovë dhe goditën efektivët e policisë gjatë protestës së opozitës. 18 prej tyre janë arrestuar, 17 po procedohen në gjendje të lirë dhe 2 janë në kërkim.

Në njoftimin zyrtar, policia thotë se ka nisur procedim penal për deputetët demokratë: Luciano Boçi, Klevis Balliu dhe Gazment Bardhi, për veprën penale “kundërshtim i punonjësit të policisë”. Gjithashtu, në gjendje të lirë po procedohet edhe Ervin Minarolli, sekretari organizativ i Partisë Demokratike, për veprën “Organizim dhe pjesëmarrja në grumbullime e manifestime të paligjshme”.

Pas protestës, Policia e Tiranës reagoi edhe për shoqërimin e të miturit.

“Në tubimin e mbajtur, është konstatuar një i mitur duke gjuajtur me gurë dhe sende të forta në drejtim të shërbimeve të Policisë. Për këtë arsye, i mituri është marrë për verifikim, nga ku rezultoi të ishte i moshës 14 vjeç. Theksojmë se shtetasi i mitur, në asnjë moment, nuk është mbajtur në ambiente të përbashkëta me persona të rritur të ndaluar apo të shoqëruar, por ka qëndruar në një ambient të përshtatshëm dhe është trajtuar me kujdes, në përputhje me parimet dhe garancitë ligjore për të miturit”.

Pas ardhjes së njërit prej prindërve, i mituri është lënë i lirë, sqaron Policia e Tiranës. Nga hedhja e molotovit mbetën të plagosur 11 efektivë policie, të cilët janë jashtë rrezikut për jetën.

Klan News

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan