5.01.24 Арчы дьиэтэ.Байдам,Сыдьаайа Айыыьыт сылын алгыьын ыыттылар Дьокуускай

Үүммүт 2024 сыл тохсунньу 5 к., Дьокуускайдааҕы Арчы Дьиэтигэр киһи ис туругун чөллөнүүтүгэр, этин сиинин чэбдигирдэригэр дьылҕатын салайынарыгар туһуланар «Тирэх» үөрэх сүрүннээччилэрэ Сыдьаайа уонна Байдам Филлипповтар бар дьонноругар анаан сиэр-туом ыыттылар.
Саҥа үүммүт АЙЫЫҺЫТ ИЙЭ ХОТУН сылыгар киирэргэ, ааспыт сыл үтүөтүгэр махтана - сүгүрүйэ, , кириттэн- хоҕуттан ыраастанан-арчыланан, сылбыт Үрдүк айыытыгар, АЙЫЫҺЫТ ИЙЭ ХОТУҤҤА, ыйбыт Үрдүк Айыытыгар ТАҤХАҺЫТ ТАҤХА ХААҤҤА сүгүрүйэн, алгыс ылан, саҥа сылбыт уотун саҥалыы сандаардан, ил-эйэ, чөл олох туһугар сыллааҕы баҕа санаабытын тиэрдэн , үөрэн-көтөн,санаабыт сырдаан дьиэбитигэр кэллибит. Сыдьаайа тохсунньу ыйга тоҕо сиэр-туом наадатын сиһилии быһаарда. Сыл бүтүүтэ киһи айылҕатын уота сөҕүрүйэн барар, санаа-оноо баттыыр. Ол иһин саҥа сылы көрсө ырааһыран, арчыланан, айылҕабыт уотун саҥардан, уматан биэрэрбит наада. Бэйэтин истиҥник саныыр дьоммутугар бу алгыска ылыммыт айылҕабыт уотуттан бэрсэр буолабыт.Алгысчыттарбыт алгыска киирии иннигэр кэлбит дьон өйүн-санаатын уоскутан,намылытан, күннээҕи түбүктэриттэнкыра да бириэмэҕэ тэйитэн,санааларын,былыттарын чэпчэтэн бэлэмнииллэр. Сыдьаайа уонна Байдам көмөлөһөөччүлэрэ Арыллыы үөрэҕи бүтэрбит саха далбар хотуттара,саха саарыннар буолаллар. Кинилэр алгыс ылына кэлбит дьону алтан хобо тыаһынан. отунан ыраастыыллар, арчылыыллар. Хас биирдии ыал ийэтэ бэйэтэ дьиэтин иһигэр Айыыьыт буоларын быһыытынан, бу дьиэ холумтанын сылааһын кини тутааччы,ил-эйэ олохтооччу буолар. Онон ыал буолан баран эрин кини сылаас тыынынан өллөйдөөн, киһи-хара буоларыгар туох баар Айыыһытын үтүө тыынын барытын киллэрэн өрө тардар аналлаах.Оччоҕо арахсыы да суох буолуо, аҕата суох да оҕо ахсаана олох аҕыйыа этэ. Саха үөрэҕин эдэр дьоҥҥно, кыргыттарга уолаттарга күүскэ тарҕаттахха бэйэ омугун генофондатын да харыстыыр,тэнитэр санаа күүһүрүө этэ. 2024 сыл «Дьиэ кэргэн уонна о5о сыла» диэн биллэриллибитэ мээнэ5э буолбатах. Норуоппут туругура сайдарыгар, элбэх эдэр саха ыала үөскээн, баччыр оҕону төрөтөн, үс саханы үөскэтэр, түөрт саханы төрүттүүр аналларын толороллоругар туһуланар.