ဇွန်လ ၂၅ ရက်နေ့ နောက်ဆုံးရ ဘောလုံးသတင်းများ | Laters Football News Of 25th June 2025
Автор: Myanmar Sports Media
Загружено: 2025-06-25
Просмотров: 4027
နောက်ဆုံးရ ဘောလုံး သတင်းတိုများ
အယ်လ်နာဆာအသင်းတိုက်စစ်မှူး ရိုနယ်ဒိုဟာ အသင်းနဲ့ ဆက်ပူးပေါင်းဖို့ နီးစပ်သွားပြီ ဖြစ်သလို အသင်းထံ မန်ယူတောင်ပံ ကစားသမား ဂနာချိုကို ခေါ်ယူဖို့ တွန်းအားပေးသွားဖွယ်ရှိနေပါတယ်။
ဒါ့အပြင် မန်ယူအသင်းနည်းပြဟောင်း မော်ရင်ဟိုကလည်း လက်ရှိ ကိုင်တွယ်နေတဲ့ ဖီနာဘာချီအသင်းထံ ဆန်ချိုကို ခေါ်ယူနိုင်ဖို့ ပြောဆိုဆက်သွယ်မှုတွေ ပြုလုပ်နေပါတယ်။
ဂျူဗင်တပ်အသင်းက ဆန်ချိုအတွက် ကစားသမား ၂ ဉီးအထိ အလိုက်ပေး ကမ်းလှမ်းဖို့ ပြင်ဆင်နေသလို အာဆင်နယ်ကလည်း ဆန်ချိုကို ခေါ်ယူဖို့ စိတ်ဝင်စားလာခဲ့ပါတယ်။
မန်စီးတီးအသင်းဟာ ညာနောက်ခံအစွန် ကစားသမားသစ် တစ်ယောက် ထပ်မံခေါ်ယူဖို့ ပြင်ဆင်နေပြီး ဖလာမင်ဂို အသင်းမှ ဝက်စ်လေ ကို ခေါ်ယူဖို့ ဘရိုက်တန်၊ဂျူဗင်တပ်တို့နဲ့ အပြိုင် ချိတ်ဆက်နေပါတယ်။
အာဆင်နယ်အသင်းဟာ ပီအက်စ်ဂျီ ကြယ်ပွင့် တိုက်စစ် ကစားသမးလေး ဘာကိုလာ ကို ဘိုင်ယန်၊လီဗာပူးလ်တို့နဲ့အပြိုင် ချိတ်ဆက်နေပါတယ်။
နီကိုးလက်စ် ဂျက်ဆင် နဲ့ ဒီလက်ပ်တို့ကို ပိုင်ဆိုင်ထားပြီး ဖြစ်တဲ့ ချဲလ်ဆီးဟာ ပီအက်စ်ဂျီတိုက်စစ်မှူး မူအာနီကိုလည်း ထပ်မံခေါ်ယူအားဖြည့်ချင်နေပါသေးတယ်။
အာဆင်နယ်အသင်းဟာ စပို့တင်း တိုက်စစ်မှူး ယိုကာရက်စ်ကို ပထမဆုံးအကြိမ် တရားဝင် ကမ်းလှမ်းမှုအဖြစ် ပေါင် ၆၄.၂ သန်းနဲ့ စတင် ကမ်းလှမ်းဖို့ ရှိနေပါတယ်။
နယူးကာဆယ်အသင်းဟာ ဖောရက်စ်တိုက်စစ် ကစားသမား အီလန်ဂါကို ပေါင် ၄၅ သန်းနဲ့ စတင် ကမ်းလှမ်းထားကြောင်း သတင်းရရှိပါတယ်။
လီဗာပူးလ် ကွင်းလယ်ကစားသမားဟောင်း ဟန်ဒါဆန် တစ်ယောက် ဖောရက်စ်အသင်းထံ ပြန်လည်လာရောက် ပြောင်းရွှေ့ကစားနိုင်ခြေ ရှိနေပါတယ်။
ရီးရဲလ်အသင်းဟာ ပေါင် ၇၇ သန်း ကျော်လောက်ရမှ တိုက်စစ် ကစားသမား ရိုဒရီဂိုကို လက်လွှတ်ခံဖို့ စီစဉ်ထားပါတယ်။
ရီးရဲလ်မက်ဒရစ်အသင်းဟာ နောက်ခံလူ အလာဗာကို စာချုပ်သစ် ထပ်မံချုပ်ဆိုမှာ မဟုတ်ပဲ လာမယ့်ရာသီ စာချုပ်ကုန်ဆုံးချိန်အပြီး အသင်းမှ ထွက်ခွါခွင့် ပြုသွားမှာ ဖြစ်ပါတယ်။
ဘာစီလိုနာအသင်းဟာ အသင်းမှာ ပုံမှန်ခြေစွမ်းပျောက်နေတဲ့ ဖက်တီကို ၂၀၂၈ အထိ ထပ်မံသက်တမ်းတိုးဖို့ ပြင်ဆင်နေပါတယ်။
နာပိုလီအသင်းဟာ လီဗာပူးလ် အသင်းတိုက်စစ်မှူး နူညက်ဇ်ကို ခေါ်ယူဖို့ ကြိုးစားတော့မှာ မဟုတ်ပဲ မန်ယူအသင်း တိုက်စစ်မှူး ဟော့ဂျ်လန်းကိုလည်း စိတ်ဝင်စားခြင်း မရှိတော့ကြောင်း သတင်းရရှိပါတယ်။
မန်ချက်စတာယူနိုက်တက် နာမည်ကျော်နည်းပြဟောင်းမော်ရင်ဟိုဟာ ဆန်ချိုကို အိုးလ်ထရက်ဖို့ဒ် ငရဲခန်းကနေ ကယ်ထုတ်ပြီး ဖီနာဘာချီအသင်းဆီ ခေါ်ယူသွားဖို့ စီစဉ်နေတယ်လို့ သတင်းထွက်လာပါတယ်။
နည်းပြဟောင်း ဆိုးလ်ရှားလက်ထက် ၂၀၂၁ ခုနှစ်တုန်းက ယူနိုက်တက်အသင်းကို ပေါင် ၇၃ သန်းနဲ့ရောက်ရှိခဲ့သူ ဆန်ချိုဟာ အခုနွေရာသီအတွင်း အသင်းနဲ့လမ်းခွဲဖို့ နီးစပ်နေပြီး ဖီနာဘာချီအသင်းက သူ့ကို ပေါင် ၁၅ သန်းနဲ့ကမ်းလှမ်းသွားမှာဖြစ်ပါတယ်။
ပြီးခဲ့တဲ့ရာသီက တူရကီစူပါလိဂ်မှာ ဂါလာတာစာရေးရဲ့နောက် အဆင့် ၂ နေရာနဲ့သာ ကျေနပ်ခဲ့ရတဲ့ မော်ရင်ဟိုရဲ့ ဖီနာဘာချီအသင်းဟာ ဆန်ချိုရဲ့ ၁ နှစ်လစာ ပေါင် ၁၀ သန်းကိုလည်း ပေးချေဖို့ အသင့်ရှိတယ်လို့လည်း သိရပါတယ်။
အသက် ၂၅ နှစ်အရွယ်ရှိပြီဖြစ်သူ ဆန်ချိုဟာ ပြီးခဲ့တဲ့ရာသီက ချယ်လ်ဆီးအသင်းမှာ အငှားနဲ့သွားရောက်ကစားခဲ့ရပြီး ချယ်လ်ဆီးအသင်းက သူ့ကို ပေါင် ၂၅ သန်းနဲ့အပြီးသတ်ခေါ်ယူခွင့်ရှိပေမဲ့ ပုဂ္ဂိုလ်ရေးဆိုင်ရာ သဘောတူညီမှု မရတာကြောင့် ယူနိုက်တက်အသင်းကို ပေါင် ၅ သန်း အလျော်ပေးပြီးတော့ ဆန်ချိုကို ပြန်လွှတ်ခဲ့ပါတယ်။
ယူနိုက်တက်ကို စရောက်ချိန်ကတည်းက ရုန်းကန်ခဲ့ရတဲ့ ဆန်ချိုဟာ ၂၀၂၃-၂၄ ရာသီဝက်ကလည်း အသင်းဟောင်း ဒေါ့မွန်အသင်းမှာ အငှားနဲ့သွားရောက်ကစားခဲ့ရပါတယ်။
အခု ဗြိတိန်သတင်းစာ The Sun က ဖီနာဘာချီအသင်းဟာ ဆန်ချိုကို ကမ်းလှမ်းသွားမှာဖြစ်သလို စီးရီးအေထိပ်သီး ဂျူဗင်တပ်စ်အသင်းကလည်း ဆန်ချိုကို ခေါ်ယူဖို့ စိတ်ဝင်စားနေတယ်လို့ ဖော်ပြခဲ့ပါတယ်။
..............................
ပြင်သစ်လီဂူးအဖွဲ့ချုပ်ဟာ နာမည်ကျော်ကလပ် လိုင်ယွန်အသင်းကို ပြင်သစ်လီဂူး ၂ ပြိုင်ပွဲမှာ သွားရောက်ကစားဖို့ အံ့အားသင့်စရာ ပြစ်ဒဏ်ချမှတ်လိုက်ပြီဖြစ်ပါတယ်။
ပြင်သစ်လီဂူးချန်ပီယံ ၇ ကြိမ်ဖြစ်ခဲ့တဲ့ လိုင်ယွန်အသင်းဟာ ၂၀၂၄-၂၅ ရာသီက ပြင်သစ်လီဂူးပြိုင်ပွဲမှာ အဆင့် ၆ နေရာ ရပ်တည်နိုင်ခဲ့ပေမဲ့လည်း အခုပြစ်ဒဏ်အရ လာမဲ့ရာသီကျရင် ဒုတိယတန်းကို တန်းဆင်းရတော့မှာပါ။
အခုဆုံးဖြတ်ချက်ကို ပြင်သစ်ဘောလုံးအဖွဲ့ချုပ်၊ ပြင်သစ်လီဂူးအဖွဲ့ချုပ်နဲ့ ပြင်သစ်ပြည်တွင်းကလပ်တွေရဲ့ ဘဏ္ဍာရေးအခြေအနေကို စောင့်ကြည့်ဖို့ တာဝန်ယူထားတဲ့ Direction Nationale du Contrôle de Gestion (DNCG) အဖွဲ့တွေက အစည်းအဝေးပြုလုပ်ပြီးတော့ ချမှတ်ခဲ့တာဖြစ်ပါတယ်။
လိုင်ယွန်အသင်းဟာ ပြီးခဲ့တဲ့နှစ်၊ ဘဏ္ဍာရေးစစ်တမ်းတွေအရ သူတို့ရဲ့ကြွေးမြီပမာဏက ပေါင် ၄၂၂ သန်းအထိ မြင့်တက်လာပြီး အဲဒီ ပြဿနာကို ပြေလည်အောင် အချိန်မီ မဖြေရှင်းနိုင်တဲ့အတွက် နောက်ဆုံးမှာတော့ တန်းဆင်းပြစ်ဒဏ်ချမှတ်ခံလိုက်ရပါပြီ။
လိုင်ယွန်အသင်းပိုင်ရှင်ဖြစ်သူ အမေရိကန်လူမျိုး စီးပွားရေးလုပ်ငန်းရှင် ဂျွန်တက်စ်တာဟာ ခရစ္စတယ်ပဲလေ့စ်အသင်းမှာ သူ ပိုင်ဆိုင်ထားတဲ့ ရှယ်ယာတွေအားလုံးကို ပေါင်သန်း ၁၉၀ ကျော်နဲ့ရောင်းချခဲ့သလို လိုင်ယွန်အသင်းကစားသမားတချို့နဲ့ လိုင်ယွန်အမျိုးသမီးအသင်းကို ရောင်းချပြီးတော့ ငွေရှာဖို့ ကြိုးစားခဲ့ပါတယ်။
ဒါပေမဲ့လည်း အဲဒါက လိုင်ယွန်အသင်း ဘဏ္ဍာရေးအခြေအနေကို ပြန်လည်တည်ငြိမ်မှုရှိလာတဲ့အထိ မဖြစ်နိုင်တာကြောင့် တာဝန်ရှိသူတွေက လိုင်ယွန်အသင်းကို တန်းဆင်းပြစ်ဒဏ်ချမှတ်ခဲ့ပါတယ်။
လိုင်ယွန်အသင်းဟာ လက်ရှိမှာ ကြွေးမြီပေါင်(၄၂၂)သန်းတင်ရှိနေပြီး အသင်းရဲ့ရှယ်ယာ(၇၇%)ပိုင်ဆိုင်ထားတဲ့ အမေရိကန်သန်းကြွယ်သူဌေး ဂျွန်တက်စ်တာဟာ DNCG တာဝန်ရှိသူတွေနဲ့ မနေ့ကတွေ့ဆုံခဲ့ပေမယ့် အသင်းဘဏ္ဍာရေးအကြပ်အတည်းကို ဖြေရှင်းနိုင်မယ့်လုံလောက်တဲ့ရှင်းလင်းချက်မပေးနိုင်ခဲ့ပါဘူး။
ဒါကြောင့် DNCG က လိုင်ယွန်အသင်းကို တန်းဆင်းပြစ်ဒဏ်ချမှတ်ခဲ့တာဖြစ်ပြီး လိုင်ယွန်အသင်းတာဝန်ရှိသူတွေကတော့ ဒီပြစ်ဒဏ်ကို အယူခံဝင်သွားမယ်လို့ ကြေညာခဲ့ပါတယ်။
#football #soccer #premierleague #uefa #myanmarfootball #ဘောလုံးသတင်းတို #kokhantxthefootballshow #ukmatchday
Доступные форматы для скачивания:
Скачать видео mp4
-
Информация по загрузке:
