Walonir Süpotsü Nangpong Tabensa - Atura (AMR)

WALONIR SÜPOTSÜ NANGPONG TABENSA
Band: ATURA
Lyrics: Talitemjen Imchen
Composer: Bendang Imchen
Music & Sound Mixing: Sosang Longkümer
Studio : Music bakery Contact Number #8787630565
Video & Editing: Charles Crezen Contact Number #9089556071
Sponsored by : - Mrs & Mr Imtinüngsang Mangmetong
footage: -
1. Mangmetong Village centenary 2011
2. OKM Aliba village 2016

WALONIR SÜPOTSÜ NANGPONG TABENSA ken ya Imkong L. Imchen naklo ken lir. Taküm nong aikati tesayor tajong majoroshi pei arishi tenem ser metsü mesüra 40 anasü aki menepdaktsür. Ni kaketshir mapang tesayor tajong aika ajorooko. Wapong Imkong L. Imchen ya kaketrijo tesayor ka masü saka ni asoshi tesayor tajongtiba ji pa lir. Kü taküm nong pa ajoror taküm ya küm metsür pongo (1997-2022) ajonger. Ni pa ajoror taribi (silver) Jubilee ajongba tenüng nong naklo ken ka “WALONIR SÜPOTSÜ NANGPONG TABENSA” yanglooko. Iba ken ya pa jakzük potiotsü (history) nongi akiteta yangloba lir. Pa tepo Tekaremba aser tetsü Imlipongla tena tanor maliba aki kipong azüngmeyaka liasü. 1916 küm Changki yim nongi arogotsür Rongsentula-i anir, lar telok Mangmetong arogo semdangi arodang, tenati tanor sowar ka danga asüyonga akiner ta Rongsentular telok denji sensakasem. Iba mapang onoki amangba Jehovah Tsüngrem-ibo sowar masü tanor tajong moatsür ta tena nem tangatetba akütsü. Tsüngremer sayadena tendanga tena Limapor nongi Christian tamangba dangi meyip. Kasa Rongsentular telok taroba küm 1917 asükwa mapang arodangbo, Imkong Imchen tebo Longrisangba ya sor kinü ajongshia liasü. Parnoki Tsüngremer sayatenya jakdakjakdaka ngoa Mangmetong yim nong tali Christian tamangba yimsü akangshi aser züin. Tena nongi jakzükba mezüng semjir Imkong L Imchen ya lir.
Talitemjen Imchen

WALONIR SÜPOTSÜ NANGPONG TABENSA
Jehovah Tsüngrem sayadenya metettsü
Tekaremba aser Imlipongla kipong
Alimapor doktsür Khrista akizük
Atangji tenati sayadenya ango

Sobatiabar ojitong nong yangsema
Wapong Imkong Imchen mezüng semjir aso
Anüdoklen perangshiba petino
Amokmeren lentongpang na jong nok o nü

Walonir süpotsü nangpong tabensa
Nüngti nüngsang shiloa merener
Anüng nong anü ita petino marem tashi
Yimti ajonga nong ne yimli merenang ni

Otsüla opolar kipong Khristian nükmen
Teti tamangba yimsü yimpong tewangwang
Netsüngtem anüng tashi meloshiteper
Tolosang Tsüngremer amsü nong süloker