រូបខ្ញុំបានបួសវត្តខ្ពប
Автор: Norkor Khmer
Загружено: 2021-09-01
Просмотров: 151
ខឹងខុសខូចខាត
និពន្ធដោយ: ព្រះគ្រូអក្ខរាបញ្ញា ស្រ៊ុន ស្រូយ
ស្មូតដោយ: ភិក្ខុផល សុខចាន់
វត្តកោះខែល
ឃុំកោះខែល ស្រុកស្អាង ខេត្តកណ្តាល
បទពាក្យប្រាំពីរ
១.ខឹងខុសខូចខាតម្ដេចខិតខំ
ប្រឹងប្រែងសន្សំគុំឥស្សា
ឈ្នានីសកើតពៀរជាហិង្សា
ជ្រែកក្ដីមេត្តាបង់ខន្តី។
២.ខឹងប្រៀបដូចដុតចិត្តអាត្មា
តិចច្រើនក្ដីណាពុំប្រពៃ
ខឹងខុសមួយគ្រាជាអប្រិយ
វិប្បដិសារីមួយជីវិត។
៣.ពេលខឹងខំទប់ជាប់កុំខាន
រម្ងាប់ឲ្យបានចាកទុច្ចរិត
ចៀសវាងវៀរចេញកុំប្រព្រឹត្ត
ប្រកាន់សុចរិតឧត្ដមណា។
៤.បើខឹងកុំអាលតបទល់ត
ពោលល្អក់កករទាំងទោសា
ត្រូវចាំស្ងប់សិនសឹមវាចា
ពន្លឺប្រាជ្ញានោះនឹងកើន។
៥.ត្រូវមានសតិតាំងអំណត់
ម៉ឹងម៉ាត់ហ្មត់ចត់ទើបចម្រើន
កុំឆាប់ឆេវឆាវឆេះឆួលច្រើន
នាំកើនកំណើនចិត្តមោហា។
៦.ឆេវឆាវក្រេវក្រោធមិនកោតក្រែង
ឱ្យកើតចំបែងក្ដីសោកា
តូចចិត្តអន់ចិត្តទុក្ខគ្រាំគ្រា
កម្មពៀរវេរាឥតស្រាកស្រាន្ដ។
៧.បើចិត្តនៅតែចង់ចាញ់ឈ្នះ
នៅរឹងមានះលះមិនបាន
នោះពុំស្គាល់ឡើយភាពសុខសាន្ដ
លះបង់ទើបបានសន្តិភាព។
៨.ត្រូវស្រឡាញ់ស្មោះស័្មគ្រនឹងគ្នា
ឧបត្ថម្ភការពារទុកជាលាភ
រួបរួមសាមគ្គីភិយ្យោភាព
ឲ្យខ្ពង់ពេញប្រៀបជានិរន្តរ៍។
_______________________
ព.ស.២៥៦៥ គ.ស.២០២១
Доступные форматы для скачивания:
Скачать видео mp4
-
Информация по загрузке:
