إيه اللي حصل في جامعة الزقازيق بسبب الطالبة روان ناصر؟!

خرجوا في مظاهرات قوية يجيبوا حق صاحبتهم بنفسهم.. اللي حصل في جامعة الزقازيق انهاردة قلب الدنيا وخلى اسم روان ناصر يبقى على كل لسان.. الطالبة اللي وقعت من فوق مبنى كلية العلوم وماتت في الحال واللي حصل بعد كده خلى الطلبة يعملوا مظاهرات جوا الحرم ويتكلموا بصوت عالي ويعترضوا على طريقة تعامل الجامعة مع اللي حصل وقالوا ان في تعتيم مقصود والادارة بتحاول تزوق الصورة قدام الناس وبتعطل التحقيقات وبيفترضوا كمان ان روان فصلت كاميرات المراقبة بنفسها قبل ما تقع وكانهم بيحاولوا يرموا عليها التهمة مع انها الضحية.. الطلبة شايفين ان في حاجات مش مفهومة وانه مش طبيعي طالبة تقع فجأة من الدور الخامس من غير سبب واضح وان في كلام بيتقال عن سرقة حاجتها بعد ما وقعت على ايد حد مش معروف وكل ده خلى الناس تتساءل هو ايه اللي بيحصل في الجامعة؟.. وهل في حاجة ورا الحادثة دي غير اللي بيتقال في البيانات الرسمية؟.. القصة بدات لما مستشفى الزقازيق الجامعي بعتت بلاغ للنجدة وقالت ان في بنت اسمها روان ناصر عندها 22 سنة وصلت جثة..وقالوا انها طالبة في كلية العلوم.. وفورا الداخلية اتحركت على المكان وهناك لقوا فعلا ان البنت وقعت من فوق مبنى الكلية.. والتحريات الاولية قالت ان الاصابة كانت شديدة ومفيش فرصة للحياة وتم نقل الجثة على مشرحة المستشفى والنيابة بدات تشتغل على التحقيق وسالت شهود العيان علشان تعرف اذا كانت وقعت لوحدها ولا في حد زقها ولا حصلت خناقة ولا ايه بالضبط
لكن على الغير متوقع جامعة الزقازيق حاولت تطلع نفسها من الموضوع بسرعة واصدرت بيان رسمي قالت فيه.. انها بتقدم العزاء لاسرة روان وانهم بيتعاونوا مع النيابة وقدموا كل البيانات اللي عندهم.. و انهم بيناشدوا الناس اللي على السوشيال ميديا ماينشروش اشاعات لحد ما التحقيقات تخلص وانهم هيعلنوا النتائج الرسمية اول ما الجهات المسؤولة تخلص شغلها.. لكن الكلام ده مطمنش الطلبة ولا الاهالي بالعكس زاد الشك والقلق لان الطلبة حاسين ان في محاولات لتغيير الحقيقة وان روان ممكن تكون كانت في خطر قبل ما تقع ومفيش حد كان واخد باله.. او ان اللي حصل مش مجرد حادث عابر
الناس اللي كانت في الجامعة وقتها قالوا ان في حاجات مش واضحة والكاميرات اللي المفروض تكون شغالة مفيش منها اي تسجيل وده غريب جدا لان الجامعة كلها فيها رقابة امنية ومفيش مكان مافيهوش كاميرات.. و السؤال اللي الناس بتساله هو ازاي بنت تقع من دور عالي بالشكل ده والجامعة معندهاش دليل مصور ولا اي تفسير غير ان الكاميرات فصلت فجأة.. وهل يعقل ان روان اللي ماتت هي اللي فصلتها قبل الحادث بشوية.. ده اللي محير الكل.. ولحد دلوقتي مافيش اي تصريح رسمي من النيابة يقول حصل ايه بالضبط والناس مستنية يسمعوا الحقيقة كاملة والجامعة في موقف صعب لان الطلبة عايزين اجابات واضحة واسرة روان محتاجة تعرف بنتها ماتت ازاي والناس كلها بتسأل فين الامن وفين الكاميرات وازاي البنات تبقى في الجامعة خايفين على نفسهم من غير ما حد يطمنهم او يقولهم انهم في امان.. الموضوع اكبر من مجرد حادثة وقع ومات فيها حد.. الموضوع بقى عن حق بنت وعن شفافية جامعة وعن مسئولية جهة المفروض انها بتحمي ولاد الناس مش بتسكتهم وكل اللي الطلبة عايزينه انهم يعرفوا الحقيقة ويطمنوا ان اللي حصل لروان مش هيعدي كده وان اللي ورا اللي حصل هيتحاسب ايا كان هو مين
#روان_ناصر
#مظاهرات_جامعة_الزقازيق
#تريندات
#الطالبة_روان_ناصر
#وفاة_روان_ناصر
#الأيام
#الايام
#الأيام_المصرية
#الايام_المصرية
موقع موقع الأيام المصرية الإخباري هو موقع مصري.
يتابع آخر الأخبار والتطورات على الساحة المصرية والعربية و العالمية في كل التخصصات وينشر موقع الأيام المصرية الأخبار عن مصادرها الرسمية والخاصة ولدينا شبكة مراسلين ضخمة في جميع محافظات مصر وجميع المؤسسات الحكومية وغيره .
يهتم موقع الأيام المصرية بكل ما مشاغل المواطن فى شئون حياته، كما تحظى أخبار الرياضة والفن والتكنولوجيا والمرأة والاقتصاد واخبار الحوادث والتعليم والسيارات والثقافة، بجانب كبير من تغطية الإخبارية على مدار الساعة .
الموقع الرسمي
https://www.alayamegy.com/
للمزيد من الفيديوهات
   / @alayaameg  
صفحة الفيسبوك الرسمية
  / alaayaameg  
صفحة تويتر الرسمية
  / ealayaam  
صفحة تيك توك الرسمية
  / alayaamtv